مثلت 4 مشاهد مع الريحاني في فيلم سلامة في خير تسببوا في قتلها

سيدة عجوز قامت بدور ستوته حماة نجيب الريحاني في فيلم سلامة في خير اسمها الحقيقي امينة ذهني انتو تعرفو انها مثلت اربع مشاهد فقط في الفيلم وفي حياتها كلها وكانو السبب في قتلها.

القصة تبدأ وتنتهي عند نجيب الريحاني هي كانت جارة له في الشارع في منطقه باب الشعرية وكان يحب دايما يعدى عليها ويطمن كانت بتشتغل وبتساعد نفسها في بيع الخضار وده كان مزعله لانها ست كبيرة حاول كتير يديها فلوس وهي كانت بترفض.

في يوم جتله فكرة انه يساعدها بطريقة تانية وهو انه يطلعها معاه في بعض المشاهد في فيلم سلامة في خير وفعلا عمل لها مواقف ليها مخصوص علي انها حماته وده مكنش موجود اصلا في السيناريو،المهم بدء التصوير والست امينه جت ومثلت المشاهد بتاعتها مع انها كانت مبوظه الدنيا ذي تبص للكاميرا تشرب سجاير تقول كلام مش موجود وكان نجيب الريحاني مش بيعيد التصوير هو سجل المشاهد زي ماهي.

نجيب الريحاني قالها شكرا ياست امينه انتى كده دورك انتهي وقدها خمسون جنيه وكان وقتها مبلغ ضخم جدا كان بياخده تاني ممثل في الفيلم،هي طارت من الفرحة ومكنتش مصدقة هو قالها يلا روحي راح امام الاستديو وهو بنفسه وقف تاكسي ووصي السواق يوصلها البيت لانه لسه مكنش خلص شغله وكان بيرجع ٦ الصبح.

رجع نجيب الريحاني البيت ونام كتير صحي فجأه علي صوت خبط علي الباب من سيده كانت بتقيم مع ستوته او امينه بتقوله انها مارجعتش من امبارح.. تعجب الريحاني وقال لبست “ازاي كده انا مركبها تاكسي ووصفت له العنوان دور في المستشفيات واقسام الشرطه اطلع انزل مفيش فايده اختفت،نجيب الريحاني خد حفيده امينه بنت بنتها يربيها حسب وصيه هي قالت له انا لو موت ابقي ربي انت البنت.

نجيب علم البنت احسن تعليم لغايه لما كبرت واتجوزت في المانيا وخلفت ٣ والبنت ماتت برة مصر.. الموضوع يخلص كده لا طبعا ان ربك لبمرصاد بعد ٢٧ سنه واحد بلطجي اتخانق في الشارع مع ناس خلافات الجيرة البلطجي قتل واحد ابن الراجل اللي مات جاله يتخانق معاه قتله هو كمان والبلطجي اتحكم عليه بالاعدام… صباح يوم الاعدام جاله الشيخ يلقنه الشهادة البلطجي كان بيبكي بكاء شديد جدا قاله في حاجه عايز اقولها قبل ماموت..
خير يابني قاله ان مش دى اول مره اقتل فيها انا زمان قتلت واحده ست عجوزه ركبتها معايه التاكسي من عند استديو لتصوير الافلام واللي ركبها الممثل نجيب الريحاني او واحد يشبه قاله الشيخ وليه قتلتها؟! قال له انها وهي قاعدة وراه في الكرسي شفتها بطلع فلوس كتير جدا وعماله تعد فيهم الشيطان قالي اخدهم منها ختها علي مكان في الصحراء وعملت ان العربية عطلت وقولتلها انزلي اركبك حاجه تانيه وضربها علي دماغها وخنقها وخد الفلوس ورماها من فوق جبل.

وبعد الحادثة بعشر ايام راح يطمن في مكان الحادث لقي ان الضباع والكلاب اكلو ستوته ومفضلش غير ملابسها مقطعة ومشي… مين عرف الموضوع ده بديع خيرى من ظابط كان حاضر تنفيذ الاعدام بيقول ان امينة كانت دايما تيجي له في المنام تعيط وتبكي وبعد مالظابط حكي له جتله في المنام لبسه ابيض ولها جناحات طارت في السماء بيها وبعدها محلمش بيها تاني ونجيب الريحاني كتبها في مذكراته اللي حكاه لمجلة الكواكب.

✍️ احمد علي