مجاراة بيني وبين امي.. بقلم الدكتوره والأدبية غادة بدران

مجاراة بيني وبين امي.. بقلم الدكتوره والأدبية غادة بدران
،////////////___________

أمي الدني أمي الحياة مزيّني
أمي العمر من دونها مانو هني

بنتي الحلا وكل الغلا أنتي
نسمة صباحي وين ماكنتي
تبقي بعيني عامدى الايام
وردة بحلاك البيت زيّنتي

امي رضاك من رضا الرحمنْ
والروح منك للامن عنوان
انت الامان منرتمي بحضنو
والموج يهدا بحضنة الشطآن

بنتي عيوني وبالقلب نسمة
حلوي الدني لو تنطقي باسمي
بدفع عمر كرمال شوف الخير
مرشرش بدربك يرسم البسمة

امي الدني امي نسيم الكون
نبع الحنان وشجرة الزيتون
امي الهوا كل يوم عطري فيه
منها الحلا.. منها الشكل واللون

بدي يَ بنتي تجاوري النسمات
تخلّي جبيني يطاول النجمات
واللي ترك ذكرى بفعلِ الخير
عمرو على مر العمر مامات

صوتك يا امي من القلب مسموع
امي جبينك بالمدى مرفوع
انت الصباح منوّر بكوني
وانت الحنان اتجمّع بينبوعْ

غادة بدران/ سوريا