مجنونة يا قوطة بقلم / مصطفي الجندي

🍅مجنونة يا طماطم

مجنونة يا قوطة وكلك جنان
ولو مرة واحدة نحسن بأمان
بتغلي براحتك وتسوقي الجنان
يا إما بتبقي بسعر اللبان
وجودك ضروري في كل البيوت
واتخن خضار بدونك يموت
يا زرعة تجنن صاحبها بصحيح
فيكي تناكة عارفها التاريخ
راشقة ياقوطة في كل الطبيخ
يا حجزة مكانك في كل المطابخ
وكل الخضار بيضربلك سلام
ما ترسي يا قوطة علشان الكلام
وفكك يا قوطة من شغل الجنان
ولو مرة واحد نحسن بأمان