محمد أنور «مش هتدفع خلي حب الناس في الشارع ينفعك»
محمد أنور «مش هتدفع خلي حب الناس في الشارع ينفعك»
كتبت: مريم عوض
نشر الفنان محمد أنور على موقع التواصل الاجتماعي الفيسبوك الخاص به معلقًا:” لو فتحت كومنتات أي بوست علي الفيس بوك أو أي فيديو علي اليوتيوب هتلاقي شتايم مهما كان المحتوي”.
وأشار قائلًا:” لو المحتوي بتاعك حلو هتلاقي شتايم بس مش هتتشه، ولو المحتوي وحش هتلاقي شتايم بس صاحب المحتوي هيتشهر جدًا وعلى الأساس دا بقت الأخبار والتصريحات والفيديوهات بتتكتب بطريقه تحس انها عاوزه الناس تشتم في الكومنتات المهم الريتش يعلي والشير يزيد حتي لو صاحب الخبر مقالش كده بالظبط احنا نظبطها بحيث يكون قال كده فيتشتم أكتر”.
وأضاف أيضًا:” بسبب ده فيه ناس مشهورة جدًا ونجوم جدًا على السوشيال ميديا وبيظهروا في برامج، وبيمثلوا في مسلسلات وبيعملوا أغاني وبيأخذوا جوائز وأي صورة بتنزل ليهم بتبقي خبر ومحدش يعرفهم في الشارع خالص والعكس”.
واستكمل قائلًا:” فيه ناس محبوبه جدًا وأعمالهم ناجحه جدًا في الشارع، والناس بتحبها وعاوزه تشوفها ومغمورين جدًا على السوشيال ميديا”.
وأكد أنور على قد مابتدفع فلوس للصفحات والبيدجات والكوميكس، على قد ماهتبقي نجم، ومشهور، وترند وناجح على السوشيال ميديا وهتاخد جوايز في المهرجانات مش هتدفع خلي حب الناس في الشارع ينفعك”.
واستكمل حديثه قائلًا:”أكبر دليل على كلامي ده شهر رمضان اللي جي ده، هتلاقي مسلسلات مكسره الدنيا على السوشيال ميديا وأبطالها في كل البرامج من ٢ رمضان، وفي الحقيقة محدش بيتفرج عليها واللي ناجح بجد في الشارع لو مدفعش فلوس للسوشيال ميديا عشان يبين نجاحه ده ولا هيبان”.
وأختتم حديثه:” أنا عارف إن كلامي ده هيتاخد منه اللي يخليني اتشتم بس، وهيسيبو اللي مش هيعمل ريتش”.
والجدير بالذكر آخر أعمال محمد أنور مسلسل “إسعاف يونس”.
حيث أن مسلسل “إسعاف يونس” تعتمد أحداثه على ظهور نجم كضيف شرف في كل حلقة من حلقات العمل، وتضم القائمة عددًا كبيرًا من النجوم منهم:”أمير كرارة، أحمد فهمي، كريم فهمي، محمد عبدالرحمن، مصطفى خاطر، عبير صبري، محسن منصور، كريم محمود عبدالعزيز، صلاح عبد الله، محمد محمود، وأحمد فهيم”، وآخرين.
