محمد جمعة يكشف لأسرار المشاهير عن تفاصيل شخصيته في حكاية “عقبال عوضك”من مسلسل زي القمر
محمد جمعة يكشف لأسرار المشاهير عن تفاصيل شخصيته في حكاية “عقبال عوضك”من مسلسل زي القمر
حوار: مها صلاح
محمد جمعة فنان مصري موهوب، متلون وتلقائي، نجح في الكوميديا و الدراما،
وقدم كثير من الأفلام والمسلسلات، وأثبت حضوره في سنوات قليلة.
بدأ حياته الفنية بعدة أدوار بسيطة ببعض الأفلام والمسلسلات، وسرعان ما تعلق في قلوب الجمهور،
فأحبه الجمهور في الكوميديا والدراما، في أعمال الشر والخير، فأصبحوا ينتظرون أعماله.
لكل ذلك حرصت جريدة أسرار المشاهير، على إجراء حوار معه، لكي يكشف لنا فيه عن كواليس دوره في مسلسله الجديد حكاية “عقبال عوضك”، من مسلسل “زي القمر”.
– من رشحك للدور؟
من رشحني للدور الأستاذ معتز حسام المخرج.
– ما الذي جذبك لقبول الدور؟
اول ما جذبني للدور تركيبة الشخصية، فهي تركيبة كويسة، إن حد عنده آثار نفسية نتيجة حادثة حصلت لمراته وابنه.
كيف كانت استعداداتك للدور؟
استعديت للدور عن طريق دراسته من كل الزوايا،ودراسة تفاصيله زي ما بستعد لأي دور وببحث عنه.
– كيف كانت تجربتك مع مي كساب وهالة فاخر؟
المزيد من المشاركات
مي كساب صديقة عزيزة، واحنا نعرف بعض كويس جداً و هي ممثلة تلقائية شطرة جداً لكن دي كانت أول مرة نمثل مع بعض، وأنا ارتحت في الشغل معها جداً.
أستاذة هالة فاخر دي أختي الكبيرة، وصاحبة أفضال عليا كتير جدا، وأنا بحبها جداً جداً ، ودي مش أول مرة نشتغل مع بعض.
كيف كانت تجربتك مع المخرج معتز حسام؟
أستاذ معتز حسام اشتغلت معاه وهو مساعد أول، وبشتغل معاه النهارده كمخرج لتاني مرة، ومبسوط جداً بالشغل معاه كمخرج، لأنه مخرج شاطر وفاهم هو بيعمل ايه.
-كيف كانت كواليس التصوير؟
الكواليس كانت معظمها شغل،و الناس حابه بعض و حابه تطلع أحسن شغل.
– في رأيك هل المسلسلات 5 و10حلقات ستساعد على إظهار أكبر عدد من الأفكار؟
المهم الدراما بتاعة المسلسل تكون كويسة، بيبقي الفرق في جودة المنتج نفسه مش في عدد الحلقات، بس مجموعة الحلقات القليلة بتدي فرصة لاكتر من موهبة جديدة في الكتابة أنه يظهر موهبته.
-ما هو الدور الأقرب إلي قلبك من الأعمال التي قدمتها؟
حاجات كتير جداً قريبة لقلبي، من أول لدواعي أمنية شخصية عبد الله لحد فياض في هذا المساء لحد رجب في الميزان، والأسطي محمود في البرنس كل دي شخصيات قريبة لقلبي.
_ما الادوار التي تريدي تجسيدها مستقبلًا؟
اي دور كويس جديد في تفاصيل كتيره هيبقى نفسي اعمله مستقبلاً.
_هل لديكِ أعمال قادمة؟
لحد دلوقتي لسه مافيش، بس في أعمال في إطار للقراءه
التعليقات مغلقة.