محمد فوزى يكشف في تسجيل نادر سبب غنائه للأطفال وكواليس أغنية “ماما زمانها جاية”
كتب احمد علي
تعتبر أغنية ماما زمانها جاية، وذهب الليل طلع الفجر من أجمل الأغاني التي سجلت للأطفال ولاتزال تذاع وتلاقي أستحسان ونجاح كبير حتي الوقت الحالي، الفنان الراحل محمد فوزي كشف في تسجيل إذاعي نادر سبب غنائه للأطفال.
فوزي يكشف سبب غنائه للأطفال
قال الموسيقار محمد فوزي “الأطفال أحباب الله و طبعا مفيش حد في الدنيا ما بيحبش الأطفال ،دي الفكرة اللي جتلي وانا بفكر أعمل أغنية للأطفال، كنت عايز اعمل حاجة جديدة معملتش ،طبعا أتعمل اغاني للأطفال بي محدش من المغنيين اللي الناس بتسمعهم، وجاتلي فكرة أغنية للأطفال وانا بعمل فيلم من افلامي ،قولت لازم أعمل أغنية للطفل،وعملت أغنية ذهب الليل طلع الفجر.
صعوبة أغنية الطفل
وأضاف فوزي “ممكن لما حد يسمع الأغنية يفتكر أنها سهلة ومتخدوش مجهود، لكن الواقع أن الغنوة بتاعت الطفل ممكن تاخد مني مجهود 50 او 60 مرة أكتر من الأغنية العاطفية، لأني وانا بعمل الأغنية لازم أفكر في الأطفال وهل ممكن يقدرو يغنوا اللحن ده، طيب ممكن يقولوا الجملة دي ممكن يقولوا الكلام ده ،وده طبعا بياخد وقت طويل جدا.
كواليس أغنية ماما زمانها جاية
ويحكي فوزي في الحديث الإذاعي النادر كواليس اغنية “ماما زمانها جاية” ويقول فوزي ” كنت مسافر برة في ألمانيا وسمعت أسطوانة بها ضحك وبكاء طفل، فجتلي فكرة ليه ما أعملش أغنية وادخل فيها ضحك وبكاء الطفل اللي سمعته في الاسطوانة، ولما رجعت مصر جبت 100 طفل عشان أسجل ضحك وعياط طفل واركب الصوت واعمل مونتاج وادخلهم في لحن الأغنية، لكن ملقتش فايدة معرفتش اخد نفس ضحكة وبكاء الطفل اللي كان في الأسطوانة، روحت جبت الأسطوانة اللي اشترتها من ألمانيا واخدت منها ضحكة وبكاء الطفل، ولحنت اغنية تتمشي مع ضحك وبكاء هذا الطفل، و النتيجة كانت أغنية ماما زمانها. جاية
