متابعة/ حسام الأطير
تحدث الفنان محمد هنيدي عن المشهد الوحيد الذي جمعه مع سيدة الشاشة العربية ” فاتن حمامة” خلال فيلم” يوم حلو ويوم مر”
وذلك خلال لقاء مع الإعلامية منى الشاذلي في برنامجها وقال :
” كنت طالب فى المعهد و عندي امتحان وفجأة لقينا الباب بيخبط ورئيس اللجنة فتح لقى مدير انتاج صاحبنا قاله فيه طالب هنا اسمه محمد هنيدي.
عايزينه ضروري أصل أبوه تعبان جدا و عاوز اقوله، فأنا روحت خارج و انا مش عارف حاجه .
قالي ابوك مش تعبان ولا حاجه لكن فيه مشهد مع فاتن حمامه دلوقتي حالا وعايزينك فيه .
قولتله طيب مينفعش بعد الامتحان؟ قالي لا ده مستنين فى الاستوديو فى الزمالك دلوقتي حالا.
فطبعا ادورت بقى للجنة وقولت ابويااااا فالدكتور قالي امسك نفسك ، قولتله لازم امشي قالي تمام انت مجاوب كويس؟ قولتله الي حد ما، قالي هنعملك رأفة و بتاع .
وروحت رايح الزمالك دخلت البلاتوه و فجأة لقيت الأستاذة فاتن حمامه دخلت، وكانت لحظة طبعا التاريخ وقف بالنسبالى.
عملت بروفه على المشهد اللي معاها ، فقالتله يا خيري كان استاذ “خيري بشارة” المخرج قالتله مين الولد الصغير ده ؟
قالها اسمه كذا .. قالتله ده شاطر وكويس و قالولي هتاخد 200 جنيه قولتلهم مش عايز 200 جنيه انا عايز امثل مع الاستاذه .
بعد ما مثلت معاهاوخلصت المشهد وشكرت فيا قولتلهم انا عاوز 500 جنيه !!
وكان دا المشهد الوحيد اللي جمعني مع الأستاذة والفنانة العظيمة فاتن حمامة ولا يمكن انسى الموقف دا .
فيلم يوم حلو ويوم مر
تدور أحداث الفيلم حول “عائشة محمد المناديلي ” أم لأربعة بنات (سناء وسعاد ولمياء وأسماء ) وصبي صغير (نور).
تسكن العائلة في حي فقير جداً من أحياء منطقة شبرا ، مات زوجها وترك عليها ديون كثيرة.
تجاهد بكل ما أوتيت من قوة لسدادها حيث كانت قد أنفقت كل ما تملك من مال على علاجه.
تعمل عائشة وابنتها سعاد في مهنة الخياطة، بينما تدرس لمياء التمريض فتصبح ممرضة وتكسب رزقها من هذه المهنة .
أما أسماء وهي أصغر البنات فما زالت على مقاعد الدراسة وتعاني من مرض في القلب وبحاجة لعلاج وغذاء لا تقوى والدتها على تأمينه.
، أما سناء البنت الكبرى فكانت متزوجة من عرابي النجار الذي جسد دوره المطرب ( محمد منير) الذي كان يقيم معهم في نفس المنزل وأصبح يتصرف وكأنه صاحب البيت.
ولم يكتفي بهذا بل تقرّب من سعاد أخت سناء وأحبته لتقدم على الانتحار بعد اكتشاف سناء الأمر.
أبطال الفيلم
الفيلم إنتاج عام 1988 ومن بطولة الفنانة فاتن حمامة ومحمد منير وجالا فهمي وعبلة كامل وسيمون وحنان يوسف ومن إخراج خيري بشارة.
التعليقات مغلقة.