محمود سعد يوجه رسالة لمحمد رمضان

محمود سعد يوجه رسالة لمحمد رمضان

كتبت:مها صلاح

بعد إثارة الفنان محمد رمضان، الجدل علي مواقع التواصل الإجتماعي في الفترة الماضية ،وخاصة بعد إعلان حصوله على الدكتوراة الفخرية ومنحه لقب سفير الشباب العربي، وجه الإعلامي محمود سعد نصيحه له في رسالة حارة.

حيث قال في رسالته لمحمد رمضان:”صلح مشكلة الطيار الراحل أشرف أبو اليسر روح للعيلة واعتذر، ومتخليش الحياة تغرك، خلي بالك في ناس بتحبك، أنت لسة صغير وبتمثل كويس، أعمل حفلات واتبسط، وحافظ على نفسك أنت صغير لسة.. اللي عملته غلط صلحه”.

وأضاف:”محمد رمضان مغرور، أهدأ وأصلح أخطائك، أعتذر عن حكاية إسرائيل، وأذهب لأسرة الطيار وقدم لهم الولاء والطاعة حتى يرضوا، لو عملت كده هتلاقي حياتك بقت أجمل، وهتلاقي نفسك نفسيًا بقيت أحسن”.

 وتابع :”أنا معرفش والدتك ولا أعرف هتقولك أيه، وأقعد جنب والدتك وشوفها هتقولك ايه، وأعمل اللي تقولك عليه، هتلاقي حياتك اختلفت، الحياة مش جوايز وفلوس فقط، أنا جربت حب الناس لكن مش قدك، أنا قليل وأنت جربت هذا الكبر بشكل أكبر مني، لكن الصغير ده بالنسبالي بالدنيا”. 

وختم رسالته :”عندك 25 سنة وكنت بتاخد 30 مليون جنيه، فريد شوقي مخدش الأرقام ديه، وده يلخبط بلد، محمد رمضان ابننا وأنا مش مبسوط باللي حصل، وبتمنى له حياة سعيدة، وهذا من باب النصيحة له”.