مربي الليمون الاضاليا مقدمة من الشيف نهلة الطيب

مربى الليمون الأضاليا
اليومين دول الليمون الأضاليا كتير وسعرة حلو اوي ما بين ١٠:٥جنية حسب المناطق هنستغل السعر دة ونعمله مربة ومخلل وممن نخزنة عصير يلا نشوف وصفة المربة
المقادير
١/٢ ١كيلو ليمون اضاليا
من كيلو لكيلو وربع سكر ( حسب الرغبة لو حابين سكر قليل يبقي كيلو لو حابين سكر مظبوط يبقى كيلو وربع )
١/٢ ١لتر مية
الطريقة
نغسل الليمون كويس جدا ونقطعة ارباع وكل ربع شرايح رفيعة ونشيل منه البذور
نسلق الليمون في مية ربع ساعة بس ونطفي عليها ونصفية وبعدين نحط مية باردة ونغير عليه لمدة يومين كل يوم ٣مرات نصفي ميتة ونرجع نحط غيرها مية باردة لحد ما تغطية وبعد اليومين نصفية ننزل باللتر ونص مية مع السكر ونحطهم عالنار لحد السكر ما يغلي ويدوب ننزل بالليمون ونقلبة لحد ما يرجع يغلي كويس نهدي عليه ونتركة حوالي 45دقيقة ومننساش ننزع الرغوة (الريم اللي عالوش ) لحد ما يتقل ويستوي مش هنحط ليمون لانه مش محتاج هو كدة كدة مش هيسكر ممكن نزود م ك عسل جلوكوز علشان يعطي لمعة حلوة ويعتبر برضو مادة حافظة ونعرف انه استوى لما نضع معلقة في طبق ساقع نلاقيها مسكت ومفردتش في الطبق ومن سوا قشرة الليمون نفسة بيتحول للون شفاف مصفر حلو اوي ونتركها تبرد تماما ونحفظها في برطمانات مغسولة وناشفة ومعقمة في الميكروويف او فرن البوتجاز المسخن مسبقا عالهادي ونقفل عليه النار وبعدين نحط البرطمانات تتعقم العملية دي يفضل نعملها قبل بيوم ونقفلها كويس علشان تكون جاهزة وبعد تعبئة البرطمانات لنهايتها نضع قطع من الاكياس الثلاجة النظيفة على وش البرطمانات ونغلق البرطمانات ونقلبها ليلة الطريقة دي بتحافظ عليها انه ميتكونش أي عفن على وش البرطمانات لانها بتمنع عنها الهواء جربوها الاول في كمية بسيطة

فوائد الليمون في مقاومة أمراض الجهاز التنفسي
لا تقتصر فوائد الليمون للجهاز التنفسي على مقاومة نزلات البرد، إذ قد يساعد الليمون على تحسين صحة الجهاز التنفسي بطرق أخرى، فبالإضافة لغنى الليمون بفيتامين ج، يحتوي الليمون كذلك على مواد طبيعية مقاومة للبكتيريا، لذا من الممكن لاستخدام الليمون أن يساعد على:

تهدئة المجاري التنفسية ومنع تفاقم أي تهيج حاصل فيها، لا سيما عند استخدام الليمون مع العسل بشكل خاص.
تخفيف بعض الأعراض المزعجة التي قد ترافق أمراض الجهاز التنفسي، مثل: الكحة، وألم الجسم، والبلغم، واحتقان المجاري التنفسية.
لذا وبالإضافة لفوائد الليمون للبرد، قد يساهم الليمون في مقاومة العديد من أمراض الجهاز التنفسي الأخرى، مثل: التهاب الحلق، والربو، والانفلونزا، والالتهاب الرئوي.