مسلم يطرح أحدث أغنياته “مش صافيلك” بتوقيع معاذ زين

كتبت: ريهام طارق 

أطلق المطرب مسلم اليوم أحدث أغنياته بعنوان “مش صافيلك” عبر قناته الرسمية على موقع يوتيوب، وكذلك على جميع المنصات الرقمية والإذاعات المختلفة، لتضاف إلى رصيده من الأعمال الفنية المميزة التي تحظى بمتابعة واسعة من جمهوره، وليشارك بها في ماراثون صيف 2025.

الأغنية من كلمات الشاعر الغنائي محمود عادل، وألحان معاذ زين، وتوزيع موسيقي إسلام شوقي، وتوزيع شركة ديجيتال ساوند  وتأتي الأغنية باللون الدرامي الذي اعتاد مسلم أن يبرع في تقديمه بأسلوبه الغنائي المختلف، ليعبر بصدق واحترافية وصوت صادق عن مشاعر الحزن والانكسار.

اخر أعمال مسلم:

يواصل مسلم بهذا العمل تعزيز حضوره الفني بعد سلسلة من النجاحات، إذ كان قد طرح مؤخرًا عددًا من الأغنيات التي لاقت صدى واسعًا، أبرزها: “غُمّة” الأغنية الدعائية لفيلم «درويلة»، “واحد زيك”، “اتقابلنا”، “كفاية فراق”، “واحشاك”، “مش قادر أنسى”، “سوء اختيار”، وأغنية “لقيتك شر”.

أغنية “مش صافيلك” تحمل بين سطورها كلمات قوية ومباشرة تمزج بين العتاب و الخذلان، وتكشف عن طابع درامي يقترب من الواقع العاطفي للكثيرين، مما يجعلها مرشحة لتحقيق رواج كبير  وعدد مشاهدات عاليه الفترة المقبلة، ومع كل إصدار فني جديد يؤكد مسلم استمراره في تقديم ألوان غنائية متنوعة تلامس مشاعر الجمهور، وتثبت مكانته كأحد أبرز الأصوات الشابة على الساحة الغنائية.

كلمات ” مش صافيلك”:

مش صافيلك

و مفتكرش هيبقى عندي شئ لغيرك

والله يسامح قلبي لو عشمان ف خيرك

هو انت ايه الجبروت دا بس و فين ضميرك

ازاي رضيت تنسى اللي كان 

ظالم اناني 

من كل قلبي اتمنى تبقى ف يوم مكاني

هتلف بيك الدنيا و هترجعلي تاني

هتلاقي خلاص مات الغلبان بتاع زمان

ايه الجديد , و هتفرق ايه

مبقيتش فارقه

مش هعيد , افلام معاك

نهايتها فرقه

لا خلاص , مفيهاش عتاب , مفيهاش كلام

كرهي فيك .. مش من فراغ , لا من اذاك

تسمع ايه .. من امتى كان يفرق معاك

امشي و سلام

مش هدافع عن نفسي

لو قولت اني ظالمك , ليه اراجع

ايام كانت وياك بتحلف بالمواجع

قول عادي كل اللي انت عايزه , مش همانع

لو جاي تقلب ف اللي فات 

انا قلبي راضي ,

و هيتبسط لو شاف دموعك يوم قصادي

صدقني ممكن يبقى رد الفعل عادي

و هقول دا كانت ذكريات , و هواك دا مات