مصر بلد الرجاله بقلم الشاعر فهمى محمود حجازى
مصر بلد الرجاله بقلم الشاعر فهمى محمود حجازى
مصر بلد الرجاله
والغدر هيجيله إزالة
هي العرين وزمامها متين
وأسدها جيش م الرجالة
تعدي شهور وتمر سنين
وهي دايما فى رياده
المزيد من المشاركات
الغدر يجيلها شمال ويمين
وهى ثابته على الحاله
أصل الثبات على أصل ودين
ومافيش فى دينا حاجة زيادة
قاعدين تبيعو ا وتشتروا بيه
وتقولوا على موتكوا شهادة
عمر الكلام ده ما كان تبرير
لقتل مسلم فى عباده
والدين له رب عليم وحكيم
وكتابه نازل لإفادة
تعليم حقوق مع فقه ودين
وعقيدة للكل سعادة
مش كدب مسبوك للتغفيل
وتقولوا ع القتل عباده
روحوا شوفوا جبتوا الدين ده منين
اللي يخلي السجادة
شبعانه دم من الساجدين
وحلفت لتشهد ع الحالة
مجرم بيقتل باسم الدين
وهو مش فاهم حاجة
يامصر ياللي رواكِ النيل
فيكِ الجنود ويا القادة
يحمو عرينك م الحاقدين
يامصر أرضك ولاده
