مصطفى هشام من اوركسترا الحياة يستعد للغناء مع تامر حسنى
هبة صابر
فاز مصطفى هشام المطرب بأوركسترا الحياة بالمركز الثاني في مسابقة “غني لتامر حسني ”
صرح مصطفى بأنه عرف المسابقه عن طريق احد اصدقائه المقربين وهو فنان في نفس الوقت عازف جيتار , ارسل لي بوست المسابقه قال لي ” يلا اشترك بقي عشان حفلتك الجايه مع تامر ان شاء الله ”
واضاف “مكنتش حاسس أن الموضوع ممكن يكمل في البدايه بس قولت أجرب حظي ارسلت فيديو ليا وانا بغني اغنيه من اغاني الفنان تامر حسني واستنيت لحد ما لقيت الفيديوهات نزلت والفيديو بتاعي كان واحد منهم”
وعن كيفية الإستعداد للمشاركة في المسابقة “كان في أغنيه بحبها جدا اسمها حكايات الحب ودي أغنيه مش ناس كتير بيغنوها حبيت أكون مميز في إختيارها ومسكت الجيتار وصورتها وبعتت الفيديو علي لينك المسابقه علطول”
واضاف باذن الله فوزي في المسابقة هيكون خطوه اولي تساعدني في المشوار الفني واحقق من خلاله احلام تانيه كتير تقربني من الناس والشباب اكتر وابدا منها تنفيذ اعمالي الخاصه”
وفي الختام أعرب مصطفى عن شكره لكل الناس التى وقفت بجانبي ” لازم اقدم الشكر لاهلي ابويا وامي واخواتي الناس اللي وقفت جنبي لحد ما اشتريت اول جيتار وطلعت اول حفله , شكرا لكل اصحابي اللي وقفوا جنبي في المشوار من اوله وشافوا في مصطفي هشام الصديق الفنان ودعموني في المسابقه عشان احقق حلم بحلمه من وانا طفل عندي 6 سنين ,شكر فريق كورال كليه الآداب اللي كانوا اكتر من اهل وشوفت في عينيهم كلهم خوفهم عالمسابقه وانهم حقيقي نفسهم يفرحوني بدون اي مقابل ,فريق منتخب جامعه حلوان اللي كله اخواتي وحبايبي ,شكرا لكل فرد ساعدني ودعمني من جامعه حلوان ، شكرا لكل شخص عمل تصويت وفرحلي من قلبه او كل شخص كلف نفسه لو دقيقه واحده من وقته عشان يساعدني ناس كتير جدا ومهما اتكلمت عنهم مش هديهم حقهم وهكون ماثر واصلا مفيش كلمه شكر تديهم حقهم
حاله حب جميله جدا حصلت في فتره التصويت اكتشفت فيها حب ناس كتير جدا كانت بتساعدني بدون مقابل ناس شوفت في عيونهم الفرحه وكانوا مستنيين النتيجه اكتر مني وباذن الله هكون عند حسن ظن الناس دي يوم الحفله وفي كل وقت في مشواري الفني”
ولابد أن أشكر من كل قلبي دكتور أمل جمال سليمان الكبير مقاما وشأنا لأنها أعطت لي الثقه والامل ان الدنيا لسه بخير واضاف “دكتور امل هي اللي بتدينا الأمل في كل مره ولازم اقولها شكرا علي كل حاجه وعلي دعمك المستمر والمتواصل وانك بتقفي جنب كل الشباب وبتساعديهم يحققوا احلامهم ويارب تفضلي دايما منوره حياتنا بوجودك وبروحك الجميله وبدعمك المستمر “
