حوار لـ / مي إسماعيل محمد

شخصية التقيت بها فى مهرجان ايجي فاشون

بنسخته الثالثه متفائله تخطط لهدفها وخط سيرها بثقه تنتج

اكسسوارات تحفه فنيه الا وهى رحاب سيد وبما اني اميل دائما

لتشجيع المواهب فى كافة المجلات قررت ان اقيم معها حوار لنتعرف

عليها عن قرب فهيا بنا :

عرفيني بنفسك ؟

انا رحاب عباده مصممة اكسسوار خريجة اداب قسم تاريخ .. بحب

الاحجار الطبيعيه جدا فحبيت ان اشتغل فيها واكون اشكال مختلفه

باحساسي الخاص فبحب اشتغل بالمرجان الطبيعي واللولي المزارع

الطبيعي ده حلو جدا مش بيقشر وبعدين الاحجار بيكون ليها تاثير

ايجابي على الانسان ففى احجار تخص السعاده وفى حجر الطاووس الخاص بالجمال كمان بحب اشتغل بالصدف الطبيعي ببيبقى حلو قوي فى الشغل والهيماطيت وبدخل معاه عقيق او لولي طبيعي .

نحب نعرف اتعلمتي فين ؟

انا شوفت على اليوتيوب بس دي هوايتي من وانا صغيره قوي كنت بركب خرز بسيط فعشان هى هوايه عندي كان سهل اني اتعرف على الحاجه واتعلمها وحاولت اطور نفسي من معرفة الخامات ال بتدي شكل احلا وتديكي تقفيل احسن بحب اعرف جديد الاحجار وخصوصا الطبيعيه عشان ماتغيرش وماتقشرش ويكون ليها شكل جمالي كبير كمان بحب اعمل كل قطعه منفصله عن التانية ماقررش الموديلات

هل كل الموديلات تصميمك وتنفيذك وله بتودي ورش للتنفيذ ؟

كل الموديلات تصميم ايدي فى البيت بجرب التصميم على كذا شكل زي الدلايات مثلا لحد مااوصل للشكل المناسب بس مش بودي ورش انا ال بعمل كل حاجه والحمدلله كل ال بيشوفه بيقولي ذوقها كويس .

ابتديتي امته ؟

يعني تقريبا من سنتين بس ماكونتش بشتغل دايما او بنزل او بعرض حاجتي دايما بس من شهر 12ال فات ابتديت انزل مهرجانات ومعارض فنزلت ارض المعرض وديارنا واخدت تكريم من معرض دافينشي وكالة الاهرام واتكرمت كمان فى معرض رؤى عربيه مع استاذ احمد جمال كمان عرضت فى ساقية الصاوي وطلعت فى برنامج بيتي جنتي واتكرمت كمان من معرض مصر جميله .

ايه المشكلات ال بتواجهك ؟

التسويق لان مش بقدر اسوق حاجاتي لكن فى الخامات انا بقدر اشتريها لان بقه عندي خبره كمان من ضمن المشكلات ال بتواجهني ان الناس ال بتقدر الهاند ميد قليله لان الهاندميد ليه طابع خاص .

فى الختام احب ان اشكر هذه الموهبه رحاب عباده على هذا الحوار الممتع واترككم مع بعض اعمالها

والى اللقاء فى لقاء وموهبه اخري

مع حبي انا مي اسماعيل محمد