معنى الحب

بقلم الشاعرة/

إنتصار محمد حسين

يعني ايه حب؟
يعني راحة تملى القلب
يعني سعادة من بعد غلب
أو كلمة حنينة
تطبطب علينا
في دنيا البعد
يعني فرحة تتوجد
في ليل الغربة
لما تكون غريب
وسط الزحام
يعني عيون سهرانة
تتونس بالأحلام
أو إيد تهدهد عليك
لو نسيك اللي حواليك
….
الحب مش لازم يكون
له صفة متأكدة بعنوان
الحب ممكن يكون
كلمة محبة في
دنيا السلام..
أو زهرة عطرها يفوح
للأنام….
أوحتى معنى يتوجد
لويوم يتولد حلم
بعد ما ضاعت ممننا
أحلام
الحب صورة للحياة
الحب هو بر النجاة
لو ليلة غرقنا الحنين
وقتلنا شوقنا
طول السنين
الحب مش لازم يكون
بين جنسين م البشر
أو حتى يكون
نبضة ملهاش معاني
الحب ده… شكل تاني
ملوش ملامح تتوصف
الحب إنك منه… تِتعِرِف
بانك لسة….. حي
إنسان لساه بيتنفس
مشاعر ..
مهما كنت في الحياة
مش قادر…
الحب… هو الحياة
هو معنى بيتوجد
لما تلاقيه… طوق النجاة