“مفيش حاجة تستاهل إنك تقصي شعرك” رسالة سمية الخشاب لـ شيرين في حبر سري

 

 

 

 

كتبت:نسرين أشرف

علقت الفنانة سمية الخشاب، عن أزمة شيرين عبدالوهاب، وذلك عقب ظهورها بدون شعر، بعد انفصالها عن زوجها حسام حبيب.

 

وأشارت أنها صدمت، عندما رأتها لأول مرة.

صرحت سمية الخشاب، خلال لقائها مع الإعلامية أسما إبراهيم في برنامج “حبر سري” قائلة:”أنا اتصدمت من شيرين عبد الوهاب، لما شوفتها وهي حالقة شعرها”.

 

 

وتابعت حديثها قائلة:” لأن زمان لما تقص شعرها كان بيكون جوزها مات في الحرب، فبتقص شعرها حزنًا عليه، والتصرف دا ليه تفاسير نفسية كتير”.

 

 

وأضافت أيضًا:”شيرين جميلة بشكلها وإحساسها وإحنا بنعشقها وهي قوية لأنها برج الميزان”.

 

وواصلت سمية الخشاب حديثها قائلة: “ممكن تكون عايزة تنتهي من حياة تعبت منها، وعايزة تموتها وتنساها، ودا رد فعل طبيعي أو ممكن يكون رد فعل نفسي عنيف دون تفكير بسبب غلطة ومش عارفة هي رايحة فين وقراراتها صح ولا لا”.

 

 

واستكملت قائلة:”في كل الأحوال محدش يستاهل تتخلي عن شعرك، دا إحنا بنقعد سنين عشان يطول”.

 

 

 

واختتمت سمية الخشاب حديثها عن شيرين قائلة:”دي مش محنة، دي تجربة وعدت وشيرين هتستفاد منها، واللي جاي أحلى من اللي فات، وربنا بيعمل الخير لينا، وإحنا بس اللي بنشوف عكس كدا، لأننا بنبص في إطار محدود، وأنا لا يمكن أعمل زيها، أصل عشان مين، محدش يستاهل”.

 

 

 

 يذكر أن آخر سمية الخشاب تصدرت مواقع التواصل الإجتماعي في الفترة الأخيرة، وذلك بسبب مشاركتها في مسلسل “موسى”.

 

 

ويعد هذا المسلسل من إخراج محمد سلامة، وتأليف ناصر عبدالرحمن، حيث شارك فيه العديد من الفنانين، و من أبرزهم :” محمد رمضان، رياض الخولي، عبير صبري، أسماء جلال، وهبة مجدي”.