مكانه خاصه … للشاعر / محمد زيدان
مكانه خاصه ( هى ثم هى ثم هى )
الشاعر / محمد زيدان
هى ثم هى ثم هى
ثم تاتى اى حاجه واى حد تانى فى الدنيا
هى ثم هى ثم هى
وتظ فى اى قسوه يجيبها الزمن
او تفرضها الدنيا عليه
هى ثم هى وبس ومفيييش غيرها
ومكانتها
مكانه خاصه فى قلبى
مكانه لاتخضع للتقييم …او المقارنه
ولا يتنافس عليها … مخلوق فى الدنيا
ومهما قدمتلها
برضو بعمرى هفضل مديون
دى حبها حرفيا
واصل لمرحله تتخطى الجنون
هى اللى يادوب بدعوة منها
بتخضع لارادتى الدنيا
كانها خاتم مابين ايديا
هى
برضاها حرفيا الدنيا بتبقى ملكى
وبنتصر فيها على كل معاركى
حتى فى عزما بتدينى ضهرها
ولا بتهز
وبكتفى بوجودها جمبى
وعشان اعمالى عمرها ماتأهلنى
لدخولى الجنه او مالنار ترحمنى
بفضل الدنيا اللى بملذاتها
ياما غرتنى وياما أغرتنى
فابفضل دعاها وفضل رضاها
قدام طاعتى وخوفى عليها
يوم عرضهم فى ميزان العداله
اتمنى الكفه اللى تطب يوميها
كفه اعمالى معاها هى
هى ثم هى ثم هى
ثم تاتى اى حاجه واى حد تانى فى الدنيا
هى ثم هى ثم هى
ومن ثم لو هيكون لى مع الزمان امنيه
هى انى اعوضها
عن كل عزيز فارقها
وامحى احزان
حكمه ربنا انها تجيب اخرها
باختياره لاحفادها التلاته … ف عز طفولتهم
وفى ريعان شبابهم
اختياره لتلاته … من اخواتها
وغيرها وغيرها وغيرها
ياما شافت من قساوة الزمن
وياما شربت من غدر الدنيا
هى ثم هى
ثم
كل واحده عرفتها … وعرفتنى
سيان حبتها او حبتنى
لما لقيت انها عندى
ف المقام الاول
كان اول .. سبب انها تامنلى
وتطمنلى
وفوق دا كله
زاد من احترامها ليا
هى ثم هى ثى هى
هى تبقى امى وكل حاجه فى الدنيا ديا
هى ثم هى ثم هى
وهتبقى بنتى لما توصل عند مرحله عمريه
هى ثم هى ثم هى
تبقى عندى خط احمر ياويل من يتعرضله باذيه
هى ثم هى ثم هى
وتدوب اى قسوة يجيبها الزمن
قدام دعوة منها … ليا
محمد زيدان
