مكدوس الزيتون مقدمه من الشيف اميره رسلان
كتبت سمسمه سعد
مده التحضير: ٦٠ دقيقه
المقادير
٥ كيلو زيتون
كيلو فلفل اخضر حامي
كيلو فلفل احمر حامي
٢ كيلو ليمون
كيلو جزر
٢ حزمه كزبره خضرا
٢ حزمه شبت
لتر زيت نباتي
كوب كبير عصير ليمون
كوب كبير حبه البركه
٢ كيس ملح طعام
كوب صغير كركم
١٠ فصوص توم
الطريقه
اول حاجه نخلي الزيتون من النواه وبعدين نقطع كلا من الليمون والفلفل الاخضر والأحمر بالتساوي قطع متساويه وتبشر الجزر وتبشر فصوص التوم وتغسل الكزبره والشبت ونشفهم كويس ونقطعهم ناعم جدا ويفضل ازاله العروق نهائيا منها وتقطع الورق بس وبعد ما نجهز كل الكلام ده
نجيب بوله بلاستيك كبيره وننزل فيها بالزيت والملح وعصير الليمون والكركم وحبه البركه ونضع عليهم الخليط اللي احنا قطعناه كله ونقلبهم جيدا ونخزينهم في برطمان زجاجي أو بلاستيك المتوفر عندنا ونضع علي وش الخليط كوب زيت بعد التعبئة في البرطمان ونتركه حوالي ١٥ يوم
وبعدها نقدر ناكل منه عادي وكل زيتون وانتم طيبين
والف هنا
رئيس قسم المطبخ أ سمسمه سعد
