مكرونة الشوفان مقدمة من شيف إيمان عبد الوهاب
كتبت سمسمه سعد
مده التحضير ١٠ دقائق
مدة الطهى ١٠ دقائق
المكونات
بيضه
دقيق شوفان
رشة ملح
الطريقة
نخفق البيضة ورشة الملح و نضيف دقيق الشوفان لحد ما العجينة تلم بتكون ولا بتلزق ولا ناشفه بحيث اننا لما نفردها تنفرد وماتتقطعش وبعدين نفردها با الماكينه المكرونه او بالنشابه ونستخدم دقيق شوفان عشان ماتلزقش معانا وبعدين نقطعها بالشكل اللى نحبه لو ماعندناش الماكينة وبعدين نغلى مياة ونحط فيها ملح وننزل المكرونة تقريبا ٣ دقايق وبعدين نصفيها ونحطها فى مياه ساقعه ( مثلجه) و نصفيها ونعمل الصوص اللى نحبه
الصوص
قطعت شرائح دجاج ونزلت في طاسه ساخنه فيها معلقة صغيرة سمنه طبيعى اخدت صدمه ورشة ملح وفلفل وطلعتها فى طبق وفى نفس الطاسة ننزل ببصله متقطعة وشوحتها ونزلت بفلفل وبعدين طماطم وملعقة صلصة وملح وفلفل اسود وربع كوب من ماية السلق وسبتهم اتسبك شوية نزلت بالمكرونه وشرايح الدجاج وممكن ناكلها مع بانية واللى فى الصورة ده بانية معمول بطريقة صحية بدهون قليلة ودقيق ذرة ودقيق شوفان
دقيق الشوفان نجيب الشوفان ونطحنه كويس وعن طريق مصفى سلك ننخله هايبقى فى نخاله دى نشيلها وممكن نستخدمها مع البقسماط بتاع البانية بتبقى رووعه
والف هنا
رئيس قسم المطبخ أ سمسمه سعد