مكرونة بالبشاميل مقدمة من الشيف آية الله طارق

كتبت نهي مرسي حمامة
المقادير :
½كيلو مكرونه اقلام مسلوقه تلتين سوا
¼ كيلو لحمه مفرومه معصجة
لتر لبن
٢ كوب ماء او شوربة او لبن
مكعب مرقة ف حالة إضافة الماء
كيس خلطه بشاميل
ملح وفلفل ورشة جوزة الطيب
٢ ملعقة كبيرة قشطة او جبنه مثلثات او كريمه او جبنه كيرى او جبنه كريمى ع حسب المتوفر
طريقه البشاميل:
نضع كل المكونات ع البارد ونقلب جيدا ونضعها ع النار مع التقليب المستمر لحين ما يتقل القوام
طريقه اللحمه المعصجة : ف طاسه ع النار هنضيف بصلة متوسطة مبشورة او متقطعه صغير ف ملعقتين زيت لحين ما تدبل هنضيف اللحمه ½ ملعقة فلفل اسود وبهارات لحمة ورشة جوزة الطيب وملح وملعقة صلصلة ¼كوب ماء ونقلب لحد ما تستوى
طريقه العمل:
ف بايركس او صينية مدهونة نقطة زيت هنضع شوية بشاميل وننزل بنص كمية المكرونه ونضع بشاميل تانى وننزل باللحمه المعصجة ونضع بشاميل تانى وباقى كمية المكرونه ونضع باقى كمية البشاميل كما موضح بالصور وجبنه موتزريلا وتضع فرن سخن حوالى ¼ ساعه ف النص ونفتح الشواية ماتتركيش المكرونه لحين ما تتحمر لوحدها علشان ف الحالة دى البشاميل هينشف واحنا عاوزينها جوسى وبالهنا والشفا