مكرونة نجرسكو الدجاج مقدمة من شيف دعاء نصر

كتبت إيناس حسنين

المقادير : ١/٢ كيلو مكرونة اي نوع شرايط
وكيس خلطة بشاميل كنور
و فلفل الوان
و كيلو و ربع لبن
و ربع صدور فراخ او نص حسب الرغبة
و ملح وفلفل اسمر و بهارات و زعتر
و زيت و جبنة رومي او شيدر او مورتزيلا مبشورة

الطريقة :
نسلق المكرونة و نشوح الفراخ بالملح والفلفل الاسمر و ندوب كيس البشاميل في كيلو وربع لبن بارد
و نقلب ونولع النار و نقلب لحد ما يتقل .. طبق غويط اقلب فيه المكرونة و تلت تربع البشاميل و الفراخ المتشوحة و الفلفل الأسمر و البهارات و عليهم الفلفل الالوان و نقلب كله علي بعض ونضع المكرونة في صنية مدهونة زيت و باقي البشاميل علي الوش و نرش جبنة مبشورة و نكون محتفظين بجزء من الفلفل الالوان و نرصهم علي الوش و ندخلها الفرن ربع ساعة من تحت علي درجة حرارة ٢٠٠ اول ما تغلي من الحروف نشغل عليها الشواية خمس دقايق لحد الوش ما يحمر و تطلع تقدم ساخنة و بالهنا و الشفا ..