مكرونه بالبشامل بالفراخ مع الشيف بطوط احمد
مكرونه بالبشاميل بالفراخ
مقدمه من / الشيف بطوط احم
#المكونات
نص كيلو مكرونه اقلام
نص كيلو لبن
8 ملاعق دقيق
مرقه دجاج
سمنه وزيت
ربع كيلو فراخ مخليه
فلفل اخضر واحمر وبصل متقطع صغير (زيتون و مشروم حسب الرغبه)
ملح وفلفل اسود
#الطريقة
تسلق المكرونه فى مياه مغليه وتصفى
#البشاميل
يوضع سمن مع شويه زيت ثم الدقيق ونزود اللبن شويه بشويه
مع التقليب المستمر ونضع مرقه الدجاج ونزود شويه ميه ممكن لو لسه مكلكعه
مع التقليب على النار المتوسطة لحد ماتلاقى البشاميل مسك كدا معاكى وبقى ولا خفيف ولا تقيل نضيف معاه زيتون و فلفل أحمر وآخضر قطع
نقطع الدجاج المخلي قطع صغيره ونجيب طاسه ونحط زيت وعليه البصل والفلفل الاخضر المتقطع ونشوحه
وبعدين نضع الفراخ المقطعه ونزود شويه ميه صغيرين وملح وفلفل اسود ونسيبهم يستووا على نار هاديه لمدة تلت ساعه
ندهن الصينيه زيت ونحط نص المكرونه المسلوقه وعليهم نص البشاميل ونخلطهم ببعض
وبعد كدا ناخد الفراخ بعد مااستوت بالفلفل والبصل نحطها على نص المكرونه
ونجيب نص المكرونه الباقى ونحطها وعلى الوش باقى البشاميل
ونضرب بيضه بملح وفلفل ونرشها على وش البشاميل مع جبنه مبشوره
وندخلها الفرن وندهن وشها شويه زيت صغيرين عشان الوش يحمر وبالف هنا ⚘
