ملامح … بقلم/ لمياء الحكيم
ملامح
بقلم/ لمياء الحكيم
كف صغنن
المزيد من المشاركات
بكره الكفوف
الصغننه هتكبر
وعلي كتفك هتطبطب
هي الي هتسند
ووقت التعب هتريح
بكره هتضمك
ووقت الشده هتكون جنبك
وقت العمر مايعدي
والتجاعيد هتترسم
علي ملامحك
وتبقي زي طفل ضعيف
هتلاقي الكفوف الي ضميتها
وخليتها تكبر ومن الحنان اديتها
ووقت ضعفها قويتها
هي الي هتضمك وقت ضعفك
هي الي هتساندك وفي كل خطوه بتمشيها
هتشاركك
هي هتكون نورك الي مع العمر بينطفي
وبيكون قدامك الدنيا ضباب
هي نورك وظلك
هي امانك ودفئك
هي الي هتكون جنبك وقت العجز مايملك جسمك
ورجلك هتكون مش شايله حملك
هي البسمه الي بتترسم وقت مايكون كل شئ عنك بعيد
بكره الكفوف هتشيلك ومن الحنان هتعطيك
وقت ماتلاقي تعبك معاها في صغرها
موجود وقت ضعفك بيقويك
فلا ندما علي تعب مريت بيه
وقت صغر الكفوف الي في كبرها بتطبطب
