ملكـــ للشاعر / محمد زيدان ـــتينى
ملكـــتينى
محمد زيدان
بعيش معاكى حياة … معشتهاش من قبل
ولا عقلى كان يتخيل
انها تصادفنى فى حلم
بعيش معاكى حياة … ليكى فيها الفضل
عن كل مر اتبدل
لسعادة معدية الوهم
ملكتينى
خدتينى من نفسى ومن دنيتى ومن ايامى
لعالم مهما وصفت فيه
مش هوفية بكلامى
باختصار غيرتى حياتى كلها
من يوم ما قابلتك .. وقابلتينى
ملكتينى
متخيلتش ان ممكن حد يبقى ف حياتى اضافة
ولا كنت حتى هصدق
ولو نجملى مليون عرافة
لحد ما شفت عينيكى وسحرها
امنت ساعتها بانك انتى اللى هتكملينى
ملكتينى
********************
بعيش معاكى حياة … اشبة باجواء السحر
ولا قلبى كان يتصور
يعيشها يوم بالحرف
بعيش معاكى حياة … فيها الحزن صفر
ازاى حبيت بتهور
ووصلت للدرجه دى من الضعف
ملكتينى
اكتشفت ان قبلك كل تجاربى مجرد صور
لحد ما اتقابل يوم بالاصل
زى ما رتبهلنا القدر
وارجع اعتذر للدنيا واقولها
انك حقيقى .. عوضتينى
ملكتينى
على وشك يوم عن يوم بلمس اهدافى
بقرب منها بتتحققلى بشكل خرافى
وكانهم استنوكى تظهرى ومن بعدها
يهلوا معاكى هدف والتانى
ملكتينى
حبك طغى على اى مشاعر تغرى وليها اتشد
شوفت فية كم شهد وعطف
مشفتهمش فى حد
ومش هشوف فى دنيتى كلها
واحدة غيرك تملى عينى
ملكتينى
محمد زيدان
التعليقات مغلقة.