ملك احمد زاهر تكشف لأسرار المشاهير تفاصيل شخصيتها في مسلسل ” نسل الاغراب”
ملك احمد زاهر تكشف لأسرار المشاهير تفاصيل شخصيتها في مسلسل ” نسل الاغراب”
حوار خالد حمادة احمد
نسل الاغراب
يومًا بعد يوم تثبت الممثله ملك احمد زاهر ، إنها موهوبة، تستحق لقب فنانة شاملة، وذلك لبراعتها في تقديم جميع الشخصيات، تمكنت من إثبات موهبتها بتنوع أدوارهها، فهى قدمت أدوار معقدة و مُركبة، و أيضاً تمكنت من أداء الادوار ببراعة، ذلك ما مكنها من المشاركة فى مجموعة من الأعمال الهامة، لها مشوار فني متميز حفر مكانته في قلب جمهورها، فأصبحت نجمه هي الممثله ملك احمد زاهر الذي كان حديث الجمهور على مواقع التواصل الاجتماعي ” في مسلسل “نسل الاغراب”.
وحرصت “جريدة اسرار المشاهير” على إجراء حوار معه ليكشف لنا عن أسباب مشاركتها في هذا المسلسل، وعن أعمالها القادمة و غيرها الكثير من التفاصيل، وإلى نص الحوار…
ملك احمد زاهر تكشف لأسرار المشاهير تفاصيل شخصيتها في مسلسل ” نسل الاغراب
اللي حسمني المخرج محمد سامي
في البداية ما الذي حمسك للمشاركة بمسلسل نسل الاغراب؟
ج / اللى حمسنى الاستاذ محمد سامى هو اللى رشحنى للدور ، وأى حاجه الاستاذ محمد سامى بيقول عليها دايما بتبقى صح يعنى أنا بثق جدا فيه، لان هو بجد مخرج ومؤلف عبقرى ولما رشحنى للدور هو مش بس رشحنى لأى دور هو رشحنى لدور مهم وحلو اوى ولسه هيبان ان شاء الله ف رمضان للناس
يارب يعجب الناس وكمان رشحنى ف دور هو اللى كاتبه وكمان هو اللى بيخرجه
ف يعنى مفيش حماس اكتر من كدا بصراحه.
وماذا عن شخصيتك بالمسلسل نسل الاغراب ؟
ج / شخصيه مش ساهله خالص
واخده شخصيه مش ساهله خالص، بنت اخت احمد السقا
بنت منه فضالى وبنت احمد عبدالله، شخصيه مش ساهله تماماً من عيلة صعبه عيلة الاغراب حياتها صعبه بيحصلها مشاكل كتير اووووى وحياتها مش ساهله تماماً، وهى بتمر بحاجات كتير اوى، ودا لسه هيبان يعنى.
ردود أفعال الجمهور
كيف كانت ردود أفعال الجمهور؟
ج / افعال الجمهور ع اول مشهد لانه مشهد لذيذ ع قد ماهو فيه عياط ع قد ماهو فيه سنه ضحك فالناس ضحكت، الناس عيطت
الناس انبسطت، الناس عجبها الشخصيه وعجبها شكل الشخصيه لانه رغده مش زى مثلا منه اللى عملتها، مش زى سماح اللى اوردى دلوقتى بتتعمل علشان ف الناس عجبها لحد دلوقتى المشهد الاولانى بس انا بجد مستنيه ردود الافعال الفتره الجايه لأن الفتره الجايه هى الدور هيشد.
هل واجهتكم صعوبات أثناء التصوير؟
ج / صعوبات لأن بجد المسلسل كله صعب جدا ادوار كتيره جدا جدا، كمية ممثلين كتيره جدا جدا انا بيبقي فيه أكشن أو ال هو المجاميع بيبقوا كتير اوى
فالموضوع كان صعب علينا أن احنا نلحق نخلص بس دا طبعا بقا الاستاذ محمد سامى كان بيشغل بايده وسنانه علشان احنا نلحق نخلص، وكانت كواليس صعبه شويه لانه كان لازم ننجز وكان لازم نخلص والمشهد لازم يخلص بسرعه وف نفس الوقت يخلص بشكل متقن، كانت كواليس صعبه شويه بس المسلسل الحمد لله حلو يعنى يارب ميكونش تعبنا راح يارب.
وما كان هدفكم من مسلسل؟
ج / مسلسل ناجح، مسلسل يشد الناس أن شاء الله يارب.
هل هناك مشهدا معينا كنتي متخوفها منه أثناء التصوير ؟
ج / هو فيه مشهد كنت خايفه منه بس دا لسه مش دلوقتى دا لسه قدام، وانا لسه خايفه منه لحد دلوقتى، ويعنى أن شاء الله يارب يطلع مشهد حلو، وانا مقدرش اقولك بس هو فين، هو عمتا ف النص التانى من الحلقات، بس يعنى هو مشهد صعب وان شاء الله خير.
هل هناك دور معين تتمنين تقديمه الفترة القادمة؟
ج / هو نفسي اعمل بوكشر
يعنى مش لازم تكون شخص التانى شخص مش طيب عمتا لانه عايزه بقا اغير، عايزه اطلع بره الطيب لأن الطيب عملته
عملت منه، ومنه مكانتش شريره
دلوقتى عملت رغده وبعمل سماح
التلاته مش اشرار ، التلاته طيبين بس كل واحده فيهم شخصيه مختلفه عن التانيه، عايزه بقا اعمل شريره.
حابه تقولي كلمة اخيرة؟
ج / خروجه سعيده بالعمل مع الاستاذ محمد سامى، والاستاذ أحمد السقا اللى مفيش منه اتنين
الاستاذه مى عمر، دياب، احمد عبدالله، مالك وداش ولين
كل الناس دى حبايب قلبي كلهم كلهم، وبباركلهم كلهم وبقولهم الف مبروك ع المسلسل ال ان شاء الله هيكسر الدنيا وهيكون رقم واحد بإذن الله، وطبعا الاستاذ حسام شوقى بحب اباركلهم كلهم واقولهم كل سنه وانتوا طيبين ورمضان كريم.
