مليون سؤال
الشاعر / محمد زيدان
مليون سؤال
كان ضعف منى لما امنتلك
وفوق الرمل بنيت امال
خانى قلبى ف يوم ما اتشدلك
ورفض يسمعلى اى جدال
خلانى امن لمشاعر مزيفه
واخش ف علاقه نهايتها مؤسفه
خرجت منها بلعن قلبى وبسال نفسى ….
مليون سؤال
ليه ادتنى دور فى حياتك
مكانشى اصلا مالاول دورى
وفضلت توعدنى باحلام
مصيرها كان من نفس مصيرى
فضلنا نرسمهم حلم حلم
وفى النهايه اتحققوا … بس لغيرى
قضيت معاك مرحله من عمرى
استحاله فى يوم هنساها
اتعلمت منها دروس عظيمه
هفضل افتكرها واحتفل بذكراها
عقابا لقلبى انه ليك امن
وعقابا ليا … انى كملت فيها
بس ان جيت للحق … فراقك النهارده احق
يبقى احلى مناسبه … تستدعى الاحتفال
كان ضعف منى دا كان غباء
لما بنيت ع الرمله امال
وانا اللى من سماتى المراوغه والذكاء
يخدعنى شيطان .. طاغى فى الجمال
ازاى
ازاى قدرت لفترة طويله
مدارى عليه ان ليك شخصيتين
مشاعرهم نسخه من طفله بريقه
وف نفس الوقت غدارة وكدابين
بس الشهاده انت بامتياز ادتهم
وكنت بارع فى الحالتين
شابوة
شابوة لاحلى لعبه غدر
مسير الزمن وياك هيعيدها
ولو فاكر انى هنهار من بعدك
عارف المستحيلات .. ده يبقى رابعها
انا هفضل برضوا انا وانا
ولا جيل منك هيهز فى نفسى ثقتها
وحياتى بكل عالمها .. اللى انت خرجت منها
هيكون ليك رجوعها
حلم .. صعب .. المنال
كان ضعف منى لما امنتلك
وفوق الرمل بنيت امال
محمد زيدان
