من ” امريكا” رسالة المخترع مصطفى الخولي لبحث رشا الجندي
وصل الْيوم من الولايات المتحدة الامريكية خطاب المخترع المصري المبرمج مصطفى الخولي لبحث الإعلامية والكاتبة الدكتورة رشا الجندي حول موضوع “تعويض النقص العاطفي لطالبات الجامعات” وحمل الخطاب عنوان دموع ونموذج. وكان نصه كالآتي
دموع ونموذج
(أهداء إلى طلبة بحث الدكتورة رشا الجندي)
في الازمات بيكون الإنسان دايخ على وشك السقوط أو الانهيار وبيدور على شئ يتسند علبه، شيء يبعث فيك الأمل من جديد ويقويك ويسندك بجد في ازمتك ، عشان كده بيقولوا الصديق يبان وقت الشده، وساعات الشئ ده يجي في صور مختلفه ، حد يجي قدامك من غير اي لازمه يخطف قلبك ويصعب عليل حاله فتقول “الحمد لله على نعمه ده ال انا فيه ده ولا حاجه”، وساعات يكون تقرب او رجوع لربنا سبحانه وتعالى يبعث دفىء وطمأنينة وسكينه في القلوب، وساعات يكون نموذج مر عليك في حياتك أو قرأت عنه، نموذج مر بصعوبات وتخطاها بثبات ، فتتحول الدوخة السقوط الانهيار لثبات وصعود ، عشان كده العزيمة والإرادة القوية هي عضلة الحياة، محتاج الإنسان ديما يهتم بيها ولازم يقويها، وفي بحثي المتواضع (٣٠٠ صفحه) عن أسرار السعادة والنجاح والثراء قدرت اختصر كل الكتب والمؤلفات والبحوث العلمية والخبرات العملية المتعلقة بموضوع البحث في معادلة الثراء والسعادة وهي معادله من سطر واحد ، وفي نهاية بحثي لخصتها في “كلمتين و بس” على رأي المبدع الراحل فؤاد المهندس الكلمتين هما ” الطموح و الإرادة” الطموح يعني امل وحلم جميل لأنه لومش جميل كان يسقط عنه شرف اسم الحلم ويبقى اسمه كابوس والعياذ بالله ، حاجه كده كل ما تفتكرها تدخل في حلم وخيال رائع وخلاب يخطفك بعيد عن الآلام والمصاعب شيء يطبطب على الكتف ويسكن او يطيب الجروح، ويخدك بعيد على انغام للركن البعيد الهادي وزيي ما قال الكينج محمد منير في اجمل أغانيه “لو بطلنا نحلم نموت”. ربنا معاكم يصبركم ويقويكم ويحول دموعكم ال انا حاسس بيها دلوقتي ولمسها بأيدي لفرح ونجاح، سعاده وامل وثراء في الدنيا والآخرة.
وفِي ضوء ما سبق قالت الجندي ان مصطفى الخولي هو مبتكر معادلة السعادة والثراء وان خطابه له أهمية كبيرة في بحثها ، كما قدمت الشكر والتقدير لكل الشخصيات العامة اللذين شاركوا بخطاباتهم في البحث بمختلف تخصصاتهم وجنسياتهم.
