من يوميات ريهام طارق.. هو ده حب؟ ولا إدمان وجع؟
كنت قاعدة انهارده وسط مجموعه صحاب… ضحك، هزار، والوقت بيعدي كأنه مش موجود… ويك اند بقا بعد اسبوع شغل طويل وممل.
وفجأة… لاحظت ان حد فيهم مش زي عادته ساكت وسرحان.. سالته مالك ؟ فيك ايه انهارده؟
ابتدى يحكي، وبصراحة صدمتني حكايته وخلاني اركز معاه لدرجه إني مبقتش سامعه غيره.
قاللي وهو بيضحك ضحكة باهتة:
أصلها وحشتني ونفسي ترجع
هي كانت دايمًا بتكسرني…
بتهيني قدام الناس، دايما كانت بتحسسني إني قليل..
كأني مش راجل… دايما كانت بتقصد تحرجني ادام صحابنا تتريق علي اي تصرف بعمله ، وعلي كل كلمه بقولها ، دي كانت ممكن توجعني بكلام يخليني معرفش أنام وابكي وأنا لوحدي..
وفي الآخر سابتني وبعدت عني بدون اي مقدمات
بس رغم كده، لسه بحبها، وهفضل مستنيها ترجع
بصيت له وسألته وأنا في حاله زهول مش مصدقه اللي بسمعه:
يعني إيه تحب واحده بتدوس على كرامتك؟
يعني إيه تموت على واحدة كانت دايما شايفاك نكرة وقليل؟
هو سكت… وأنا فضلت أفكر:
اقرأ أيضاً: التسليم فن الراحه وسط الزحمه .. سلّموا… تسلَموا
هو في رجالة بتحب الست اللي تفضل تحقر منهم؟
اللي تشوف نفسها أكبر وأحسن منهم؟
اللي تكسرهم وتفتخر بده؟
ولو في… الرجالة دي اسمها إيه؟!
هل ده حب بجد؟
ولا تعلق مرضي؟
ولا ده خوف من الوحده؟
ولا الشخص ده اتربي علي الاهانه وقله الكرامه ؟
ولا هو نوع من الرجالة بيحب “اللي بتوجعه”، وتدوس عليه عشان هو مش قادر يصدق إنه يستحق الاحسن ؟
هل دي قله ثقه في النفس ولا عقد ونقص جواه ؟
اقرأ أيضاً: ورشة متخصصة في تصميم الأزياء بتوقيع ” ريم العدل ” بمهرجان “منصات”
ولا هو شايف أن الحب تضحية، بس اللي بيدوس على نفسه عشان حد… ده مش بيضحي، ده بيموت بالبطيء.
انتم شايفين الشخص ده ازاي وياتري ده بيحب فعلا ولا مريض نفسيا محتاجه اعرف رايكم
من قلب وجع شفته… ولا يمكن أنساه
