إعداد وحوار: ريهام طارق
ساعات قليلة وتنطوي صفحة 2025، و نودع معها 365 يوم محملين بذكريات حب بدأ ونهايات كتبت.. عشنا فيها أيام مليانه بالفرح وأيام تانيه حزينه عشنا فيها لحظات انكسار، مرينا بمواقف حسينا فيها بالقوة وأوقات تانية واجهنا الخذلان والقسوه ، فقدنا فيها اعز الناس، ودخلت حياتنا ناس جديده اصبحوا ناس عزاز.
وخلصت 2025، ومعاها ذكريات صعب ننساها، كان في كل قلب ذكرى اغنيه عاشت… ارتبطت بتفاصيلها، وكانت شاهد عليها، وصعب ننكر إن 2025 كانت سنة استثنائية على المستوى الموسيقي، و غنية بإنتاج أعمال موسيقية ضخمة وناجحة صنعت بصمة قوية في المشهد الفني العربي.
وفي هذا الحوار، هنسلط الضوء علي عناوين أكثر الأغاني تميزاً ونجاحا في 2025، ندخل من خلالها وتكون العالم الخاص لكل فنان لمع نجمه وكان له حضور واضح في 2025، وقدر يحقق نجاح كبير.
حواري اليوم مع الشاعر الغنائي مودي نبيل في حوار صريح ومختلف، فتح لنا فيه قلبه و كشف عن جانب جديد من شخصيته في حياته الخاصة، لم يكشف عنها من قبل..
في البداية نرحب بالشاعر الغنائي مودي نبيل في جريدة أسرار المشاهير ونشكره على إتاحة الفرصة لإجراء هذا الحوار:
مين اول حد جه في تفكيرك حالا و نفسك تعزمه علي “العنب الساقع“؟
أكيد خطيبتى طبعا .
اكتر وقت تعبت فيه في 2025 وقلت ده “هد حيل“؟
وانا بكتب على كذا تيمه لحنية صعبه
تقول لمين “أنت حبيبي وابن حبيبي”؟
ولاد اخواتى كلهم رقيه وهانى.
تقول لمين له “صاحبي يا صاحبي” أنت معايا في 2026؟
صديقي حسام هشام.
فنان ودعنا في 2025 .. بتقوله “فعلا مبيتنسيش“؟
الملحن محمد عبد المجيد رحمة عليه وعلى كل اللى فارقونا
تقول لمين وانت داخل 2026 “ميتعزش“؟
بقول ميتعزش لكل شخص يعطلنى أو يحاول يستغل موهبتى.
زوجه داود عبد السيد: رحل اليوم أغلى ما عندي… زوجي وحبيبي
لو تم دعوتك لحضور “حفله تنكريه” هتلبس اي شخصيةمن زمن الأبيض والأسود ؟
شخصية عبد الحليم حافظ طبعا لاني من عشاقه.
مين كان “ضل حيطة” في حياتك في 2025؟
ناس كتير كانوا أصحابى زمان والحمدلله قطعت علاقتى بيهم و لما شافونى ناجح بفضل ربنا يتمنوا دالوقت يسلموا عليا بس .
مين اللي حلفت وقلت والله لاكون “عقده حياته” في 2026؟
كل واحد أستخف بحلمى أو شاف إني مش هنجح فى بداية مشوارى.
أحمد زعيم: أنا عمري ما بعدت عن حد بإرادتي أنا ببعد بسبب غبائهم
مين “رقم واحد” في حياتك في 2026؟
رقم واحد فى حياتى أمى و خطيبتى
عدي عليك وقت في 2025 وقلت الوسط الفني “خذلني“؟
طبعا قولت كتير الوسط الفني خذلنى ومازالت بقول بس الرزق ده بتاع ربنا مش من بشر علشان كده مش بزعل لو باب اتقفل فى وشى، لأن ربنا سبحانه وتعالى بيفتح بداله مليون باب.
امتى شيلت “الشيله كامله” ؟
طول حياتى شايل الشيله كامله دى مش مجرد اغنيه كتبتها دى قصة حياتى فى المجمل.
أحمد البرازيلي: الوسط الفني غدار وأنت نجم كلهم معاك بس لو وقعت هتبقي لوحدك
تقول له كل كلامك “كلام فارغ ” في 2025؟
كل انسان قلل من حلمى وقالى مش هتوصل بقوله دالوقت وبقلب جامد شفت بقي ان كلامك طلع كلام فارغ.
مين الشخص اللي بتقول لنفسك “مكرهتوش” بعد ما ودعته في 2025؟
مش بقدر اكره حد اكلت معاه عيش وملح وكان بينا عشره حتى لو مش بنتعامل مع بعض أو فيه بينا خلاف.
شخص دخل حياتك في 2025 و حسيت “كأنه مجاش“؟
أى شخص قليل الاصل مطمرش فيه المعروف و أذانى بفعل او كلمه.
تقول لمين “تيجي نحارب” في 2026؟
خطيبتي.
مين بتحس انك مطمن ومرتاح معاه وتقوله محتجالك “احكيلك خوفي” ؟
أمي وخطيبتي.
مصطفى شكري: قبلت التحدي في رمضان 2026.. وجاهز لـ المداح6؟
شخص لو سألوك عنه في 2026 هتقول “معرفش حد بالاسم ده“؟
أى إنسان عاملته كويس واختلفنا وفي الخصام اتحول لعدو وخان، و فجر فى الخصومة.
هتقول لمين في بداية 2026 “قبلت التحدي“؟
أقول قلبت التحدى لكل فنان قفل بابه فى وشى في بداياتي
نفسك تقول لمين “بدي اقول بحبك“وأنت بتستقبل 2026؟
لخطيبتي بقولها.. بحبك.
مين “بابا” المجال؟
بابا المجال في الغناء الهضبه عمرو دياب وبابا المجال فى التلحين الملحن فارس فهمى .
تصرف عملته في 2025 واعتبرته “خطيه” ؟
ضيعت وقت ومجهود وطاقه على ناس غلط ومتستاهلش للأسف.
زعلت مين في 2025 وبتقوله “سوري” صافيه لبن قبل ما نبتدي 2026؟
الحمد لله مفيش حد زعلته.. أنا مش بعرف ازعل الناس.
إسلام الجريني: أوجه رسالة تهديد لأنغام وأقول لها: صبرا يا أستاذة… لينا ميعاد
تقول لمين ومن داخل 2026، “الله يحنن“، و هتقفل بابك في وشه ؟
أي شخص مش بيراعي العشره والعيش والملح والغدر في طبعه.
مين شايفها Superwoman 2025؟
امى سوبر وومان و بطلة قصتى
نفسك تشوف مين في نهايه 2025، وتقوله “واحشني يا ابن اللذينا“؟
صاحب عمري الملحن الراحل محمد نادى.
مين “ملكه جمال الكون ” في حياتك؟
ملكة جمال الكون امي و خطيبتى.
جابر جمال الدين: إللي يعطلني هقوله الله يحنن و هقفل بابي في وشه
احتاجت تزور “دكتور” نفسي في 2025؟
لا الحمدلله أنا في اوقاتي الصعبه بعتمد علي الاستعانه بالله وصلاتي وذكر الله فقط.
تقول لمين وانت خارج من 2025 “هوينا“؟
أي شخص يحبطني أو يأذيني في شغلي.
إيه “الوعود” اللي وعدت بيها نفسك في بدايه مشوارك الفني وحققتها؟
أنى أبقى ناجح و كلامى يوصل لكل الناس وابقى فخور بنفسى
امتي كان اكتر وقت حسيت فيه انك محتاج صاحب وشفت ان “مفيش جدعنه خالص“؟
كتير قوي.
لاشينه لاشين: أقول لأشرف زكي أنت “سيد الناس” وعادل إمام هو بابا المجال
“خبر عاجل” تتمني تعلن عنه خاص بحياتك الشخصية في بداية 2026؟
اعلان خبر زواجي.
“قرار شخصي” هتقوم تنفيذه فورا في بداية 2026؟
أركز اكتر فى الشغل واجتهد وانجح اكتر ان شاء الله.
“لو لينا عمر” ايه أول حلم نفسك تحققه في 2026؟
بحلم اشتغل في 2026، مع كل النجوم اللى بحبها.
هاله الزيات: كل شخص منافق اتمنى اكون عقدة حياته
في النهاية نشكر الشاعر مودي نبيل علي هذا الحوار الأكثر من رائع علي وعد بحوار آخر مع ضيف جديد ونجاحات جديدة مع ريهام طارق.
نبذة عن الكاتب:
ريهام طارق صحافية مصرية من أصول لبنانية، متخصصة في كتابة الأخبار الفنية والثقافية، وأجرت حوارات مع نخبة من أبرز نجوم الغناء والتمثيل في الوطن العربي، تشغل حاليًا منصب رئيس قسم الفن ومساعد رئيس التحرير بجريدة {أسرار المشاهير} في جمهورية مصر العربية.
بدأت مسيرتها المهنية من المملكة العربية السعودية عبر جريدة {إبداع}، في الرياض قبل أن تنتقل للعمل في عدد من المؤسسات الإعلامية الكبرى في الوطن العربي، منها {جريدة الثائر و جريده المغرد} في لبنان، وجريدة {النهار} في المغرب، ومجلة {النهار} في العراق، ومجلة {المحور} في الكويت.
كتبت الصحفية ريهام طارق أيضا مقالات تحليلية في مجالات السياسة الدولية وأسواق المال الأمريكية والأوروبية، كما تولت عضوية اللجنة الإعلامية في المهرجان القومي للمسرح المصري. وتقدم حاليًا محاضرات متخصصة في الصحافة في مسقط، عاصمة سلطنة عمان.