موضة الشاره الموسيقيه للقنوات ترجع لموسيقى زمن الفن الجميل

الشاره الموسيقيه للقناه او (channel signature ) تعنى تلك الموسيقى اللي تقدر تعرف من خلالها القناه اللي شغاله دلوقتي من غير ماتكون قاعد قدام شاشة التليفزيون وتقدر تشبها بتترات المسلسلات المشهوره بمعنى انك لو سمعت موسيقى رافت الهجان او ليالي الحلميه او ذئاب الجبل مثلا وانت ماشي في الشارع او كنت في غرفه تانيه مافيهاش تليفزيون هاتعرف ان المسلسل ده هو اللي شغال من اغنية او موسيقى التتر ده هو معنى الشاره الموسيقيه للقناه والمفروض انها موسيقى بيعملها ملحن مخصوص للقناه والمفروض انها مالهاش شبيه ولا تقدر تسمعها الا على القناه دي بس في الفتره الاخير بقى في ظاهرة غريبه ان موسيقى القناه بقت مأخوذه من موسيقى او اغنيه قديمه وبدأت هذه الظاهره مع انطلاق قناة DMC الفضائيه عندما استعان الملحن مصطفى الحلواني بجزء من موسيقى “جفنه علم الغزل”للفنان الكبير محمد عبد الوهاب وخلاها هي الشاره الموسيقيه لقناة DMC الفضائيه وده من اكتر الحاجات اللي خلت القناه دي قريبه من قلوب الناس لما بتسمع الموسيقى بتعتها ومؤخرا ايضا استعان ملحن اخر بمقطع غنائي للفنانه الكبيره شاديه وهو مقطع “بت يا دوسه يا دوسه شايله البسبوسه والله حلويتي وكبرتي وبقيتي عروسه ” علشان تكون هي العلامه الموسيقيه او الشاره الموسيقيه لقناة “Testy Food” وهي قناة طبخ جديده سيتم اطلاقها في منتصف الشهر الحالي على نفس تردد قناة العاصمه 2 لتصبح قناة العاصمه المملوكه للدكتور : سعيد حساسين قناة واحده فقط.
وفي الحقيقه انا مش فاهم هل الملحنين مابقاش عندهم موسيقى ولا دي موضه والكل هايمشي عليها في المستقبل.