ميس حمدان : هيفاء مش بتحبنى وزينة سرقتني ودنيا لاتملك قدراتى والملابس الداخلية دمرتنى

ميس حمدان : هيفاء مش بتحبنى وزينة سرقتني ودنيا لاتملك قدراتى والملابس الداخلية دمرتنى

خرجت الفنانة الشابة ميس حمدان عن المألوف وادلت بإعترافات من المتوقع أن تثير الجدل خلال الأيام القادمة وقامت بجراءة تحسد عليها بفتح النار علي مجموعة من الفنانات من المتوقع أن تحدث ردود أفعال واسعة النطاق ومن المؤكد ستتوالي ردود الأفعال نحوها بشكل كبير.

خلافات هيفاء وهبي

فقد تحدثت ضمن ماتحدثت خلال ظهورها ببرنامج “vip” مع الإعلامية أميرة بدر علي شاشة قناة “هي”
عن تفاصيل خلافاتها مع الفنانة اللبنانية هيفاء وهبي حيث قالت أثناء تقديمها برنامج “شكلك مش غريب” : كنت حاسة هيفاء إنها لاتحبنى ودي حاجة ترجعلها، ومش مطلوب الكيميا تكون موجودة بيني وبينها ولو غارت مني مش هيبقى غلط هو أنا ميتغارش مني؟.
وواصلت ميس حمدان حديثها: مؤكد هي أنجح وأجمل بكتير وهي ساعتها أنا كنت فين وهي فين، لا أقارن نجاحي بنجاحها ، وده لا يقلل من شأني أنا كنت صغيرة ومبدعة في الفقرات اللي كنت بقدمها، وكان في مشهد بعلق على أغنية لأصالة وغضبت بدون سبب .
وعن قدرات هيفاء كممثلة قالت ميس حمدان: هيفاء ممثلة جيدة وعندها كاريزما قوية جدا ومجتهدة وملكة الإغراء بلا منازع المفروض كل اللي بيغنوا يدعوا ليها وفتحت فرصة للبنات الحلوين انهم يغنوا، وهى مؤدية مش مطربة .

إعلان الملابس الداخلية

وبعيدا عن هيفاء تحدثت ميس حمدان علي إعلان الملابس الداخلية الذى قدمته وأثار ضجة واسعة حيث
كشفت لأول مرة تعرضها لهجوم قوى وعنيف فقالت لما عملت الإعلان كان هدفي يكون حاجة رقص ومبهجة، وزعل الناس زعلني طبعا، ومبقراش السوشيال ميديا عشان مضايقش نفسي، ندمت على الإعلان عشان معجبش الناس، كدابة لو قولت شريحة صغيرة معجبهمش يبقى كدا تمام لأ بزعل على الناس.

وأضافت ميس حمدان: قولت لصاحب الشركة شيله أنا زي بنتك، ولا هامه الفلوس اللي دفعها وحد محترم ، وكنت بعيط وقليل أوي لما بتهاجم، اتدمرت نفسيًا والناس قاسية وشتموني بأبويا وأمي وأخلاقي والشتيمة كانت جاية بمجموعة وبيصعب عليكي نفسك وأهلك ومجهودك وكان كل هدفي أعمل إعلان مبهج ليس أكثر .

إهانة المحجبات

وتطرقت ميس حمدان للحديث عن الإنتقادات التي تعرضت لها بعد تجسيدها شخصية “سماح” المحجبة، والتي أعتبرها البعض إهانة للمحجبات.
ميس حمدان قالت : لم اقصد إهانة المحجبات، وكل الفنانين عملوا الشخصيات دي، الفنان هاني رمزي والفنان عادل إمام ولم يهاجمهم أحد.

وواصلت ميس حمدان كلامها : أنا عملته اسكتش وبنشوف برامج الكوميدي كلها كدا أحمد فهمي وأكرم حسني وكلها شخصيات، ابقى اسمي بتنمر لو كنت ميس اللي بتقدم ولكن ده اسكتش.

زينة أخذت دوري

وتحدثت ميس عن كواليس حصول الفنانة زينة على دورها في فيلم “سيد العاطفي”، مع الفنان تامر حسني، علي الرغم من تعاقدها علي الدور.
فقالت : أعرف الحقيقة، لكن بعد فيلم عمر وسلمى كان في فيلم سيد العاطفي، وكان عندي تصوير ثاني يوم في الفيلم، وكلموني على الفجر إنهم أجلوا التصوير .

وأوضحت : “اكتشفت بعد كده إن زينة طلبت من المنتج محمد السبكي تعمل الدور، ووقتها اتقهرت، وزينة أنا أقابلها في مناسبات، وسلامي عليها زي أي زميلة لا أعرفها، ومقدرش أتهمها”.

ميس حمدان: لما تيجي سيرة الفوازير اذكروا اسمي ومتقللوش من قيمتي

ميس حمدان: أنا الأصلح لتقديم الفوازير ومافيش مقارنة بيني وبين دنيا سمير غانم

حلم تقديم الفوازير

وتطرقت ميس حمدان بعد هذا للحديث عن فوازير رمضان حيث قالت: لا يوجد مقارنة بينى وبين دنيا سمير غانم.
وأوضحت : أنا اكتر واحدة في مصر تصلح لعمل الفوازير.
دنيا سمير غانم أكيد جميلة وبتعمل مسلسلات حلوة ولكن أنا بتكلم على الفوازير وعايزة أعملها.
وواصلت : بشوف نفسي الأنسب والأفضل .

نعم بحب دنيا سمير غانم ولا اقارن نفسي بيها اطلاقا ، أنا عندي حاجات شايفة نفسي مؤهلة وبشدة عندي كومبو متكامل ومميزة فيه ولكن لسه مخدتش فرصتي، متقللوش من قيمتي.
ومش معنى لما تيجي فرصة ومجبش سيرة الفوازير ميجيبوش سيرتي ولكن أنا قادرة أعملها بشكل مختلف، وربنا كرمني بوش متغير، ومحبش أعمل سيرة ذاتية، لأن الناس هتقفلي على الواحدة ولو معملتهاش 100 % هتهاجم، بيشبهوني بـ أنغام ولبنى عبد العزيز وساعات سعاد حسني.

يذكر أن برنامج “vip” يذاع يوميا خلال شهر رمضان على شاشة قناة “هي” ومن تقديم الإعلامية أميرة بدر، ويعرض في تمام الساعة السابعة مساءً ويستضيف عددا من نجوم الفن والرياضة.