ميني بيتزا مقدمة من الشيف نيفين عبد العزيز

كتبت نهي مرسي حمامة
المقادير
2كوب ونصف دقيق
كوب لبن دافئ
¼ كوب زيت
¼ ملعقة صغيرة ملح
خليط الخميرة
ملعقة كبيرة دقيق
ملعقة كبيرة سكر
ملعقة كبيرة خميرة فورية
مقادير الحشوة
سوسيس مسلوق ومقطع او بسطرمة
زيتون مقطع
بشر جبنة رومى وموتزاريلا
مقادير صلصة البيتزا
3معالق كبيرة صلصة
فلفل احمر واخضر مقطع شرائح رفيعة
توابل/زعتر وبابريكا وتوم بودر وفلفل اسمر وريحان مجفف
رشة سكر
معلقة صغيرة زيت
معلقة صغيرة كاتشب
الطريقة
نجهزصوص البيتزا
اناء نضع الصلصة وكوب ماء والتوابل والزيت ورشة السكر ونقلب ثم نضع الفلفل الاحمر والاخضر ونقلب وتترك تتسبك على النار ثم نضع رشة الملح ونقلب ثم نطفى النار ونضع معلقة الكاتشب ونقلب وتترك جانبا
نحضر كوب ونضع به ربع مقدار اللبن الدافئ ثم نضع خليط الخميرة معلقة الدقيق ومعلقة السكر ومعلقة الخميرة ونقلب جيدا بمعلقة صغيرةثم نغطى الطبق ويترك الخليط يختمر بمكان دافئ عشر دقائق او الى ان يتضاعف حجم الخليط وبعد ما اختمر وتضاعف حجمه نحضر طبق ونضع به الدقيق ورشة الملح ونقلب ثم نضع الزيت وباقى اللبن وخليط الخميرة ونقلب ونعجن كله الى ان تتكون عجينة متماسكة وناعمة ولو بتلزق نضع معلقة كبيرة دقيق ونعجن لو مش بتلزق تمام لو لسه نضع معلقة دقيق ونعجن الى ان تتكون عجينة متماسكة وناعمة ونقسمها الى قطعتين ناخد اول قطعة ونفردها على سطح مرشوش دقيق ونفردها ونقطع دوائر بكوب مثلا او طبق او قطاعات الدوائر ونرص الدوائر بصنية مدهونة زيت ومرشوشة دقيق وباقى العجين من القطعة الاولى نلمه ونفرده تانى ونقطعه دوائر ونكرر الطريقة بباقى العجين او فى طريقة تانية لعمل المينى بيتزا اننا نقطع العجينة لدوائر صغيرة ونفردها دائرة ونرص بالصوانى المهم ندهن وجههم من صوص البيتزا ونضع السوسيس والزيتون وبشر الجبن ثم نشعل الفرن من اسفل على 200 ويسخن عشر دقائق ونضع اول صنية فى الرف اللى تحت بتفضل حوالى دقيقتين الى 3دقائق حسب ما تحمر البيتزا من تحت بحرف الملعقة نرفع حرف البيتزا لو احمرت تمام لو لسه نتركها ثم نطفى النار و نضعها بمنتصف الفرن ونشغل الشواية وتسيح الجبنة ونخرجها ونكرر التسوية لباقى الصوانى المينى بيتزا لما تطلع من الفرن نشلها من الصنية ونضعها بصنية او طبق وتترك تبرد بلاش نسبها بالصنية اللى استوت فيها علشان بلاش تنشف وبألف هنا