متابعة / حسام الأطير
بعد غياب فترة طويلة عن الشاشة ظهر الفنان ” أشرف سيف ” متحدثا عن والده الفنان الكبير الراحل ” وحيد سيف”
حيث قال الفنان أشرف سيف إن والده الراحل الكوميديان وحيد سيف هو نجم غير عادي في مجال الكوميديا .
وكان يضحك الجميع وعلى خشبة المسرح كان يمتلك القلوب وزملاءه كانوا لا يستطيعون إيقاف الضحكات في أثناء عرض المسرحية
وأضاف سيف خلال استضافته في برنامج واحد من الناس على شاشة الحياة مع الإعلامي الدكتور عمرو الليثي.
وشاهدت سعاد نصر “ميتة ” من الضحك أمامه على المسرح، وعادل إمام سؤل مين اللى بيضحكك فقال وحيد سيف .
وأتذكر فى مرة كنت بشاهد مسرحية “شارع محمد على” مع الجمهور و لاقيت واحد بيقولي أرجوك سكته أمي عندها القلب وهتموت من كتر الضحك.
وتابع للأسف والدي لم يأخذ حقه، و هو صرف كل فلوسه على مرضه وزعل جدا ان مفيش حد سأل عليه من زملائه فى الوسط الفنى ، و فى مرضه الاخير كان يبص لصورته مع الرئيس السادات اثناء تكريمه له .
و كان يقولى كل اللى فى الصورة ماتوا ماعدا أنا الحمد لله وكان يضحكني فى عز مرضه.
أعماله مع والده
وأوضح ، أنه شارك مع والده الراحل في عملين فقط، ومنهم فيلم “مطاردة فى الممنوع” مع آثار الحكيم، وفاروق الفيشاوي.
وفيلم “اللص” وكان ضيف شرف، وهما دول العملين اللى اشتركت فيهم معاه فى السينما ، و فى المسرح قدمت مسرحيات بولتيكا ، و جوازه بخلع الدرس ومسرحية تليفزيونية وسهرة واحدة فى الهوا سوا .
وعن مسلسل أهلا بالسكان والنجاح الكبير الذي حققه و كنت فى المعهد و لاقيت استاذ مصطفى الكوابى و كان فى المعهد و بيشتغل فى الانتاج.
و شافنى و قال لى تقابل المخرج و تاخد دور صغير ، و روحت لاقيت دور ٣٠ حلقة .
و نشأت علاقة ابوية بينى و بين العظيم الفنان حسن عابدين خلال هذا المسلسل و كان انطلاقتى فى الدراما
وتابع للأسف ٩٩ ٪ من المسرحيات الكوميدية التي قدمتها لم تصور ، و كنت بعمل فى الدراما و السينما ، أدوار رومانسية.
وأشار الى أنه عمل مع الفنانة ماجدة و الفنان فؤاد المنهدس والمخرج عاطف سالم، و من الأعمال التى أعتز بها فيلم “يوميات إمرأة عصرية “مع الفنانة سهير البابلي.
وحيد سيف وجبر الخواطر
من جهة أخرى ذكرت الفنانة ” عارفة عبدالرسول” موقف لها مع الفنان وحيد سيف وقالت “
وحيد سيف الله يرحمه عمل معايا حاجه جميله اوي ومش ناسيها للنهارده.
كان بيعمل مسرحيه ف اسكندريه وكان في ممثله ليها دور بس جالها تصوير ف القاهره فقالولي الاستاذ وحيد عايزك.
فلما روحتله لقيته بيقولي للاسف الممثله اتصلت وتصويرها اتأجل فهي كده مكمله معاهم وهي اللي هتعمل الدور .
قالي بس انا مش عايز امشيكي ينفع ب ابتسامتك الحلوة دي تقعدي ع شباك التذاكر ؟
وفعلا اشتغلت ف مسرح ا. وحيد سيف اقــطـ. ـع تذاكر.. اللي عمله فيا اداني ثقه لاني كنت نحيـفه اوي.
كانوا بيقولولي ياخــشـبه وشعري كان منكـوش اللي بيسموه كيرلي دلوقتي.
وكانوا دايما يقولولي متضحكيش اوي عشان بوقـ.ك واسـ. ـع فلما قالي ابتسامتك الحلوة دي متتصورش عملت فيا الكلمه ايه ولحد انهارده انا ببتسم لانه اداني ثقه ف ابتسامتي الله يرحمه