تفاصيل..تكريم نجوم وصناع مسلسل”جزيرة غمام”بعد ندوة خاصة بالمركز الكاثوليكى

تكريم نجوم وصناع مسلسل “جزيرة غمام” منهم النجم طارق لطفى 

و أثناء ندوة تكريم أبطال المسلسل ،عبر النجم طارق لطفي عن سعادته الشديدة

قائلًا: سعيد جدا بحضوري، ودي أول مرة احضر في المركز الكاثوليكي.

وأضاف لطفي: كنت داخل مسلسل تاني خالص، واتقابلت مع عبد الرحيم كمال في الشركة المنتجة، واتكلم معايا ع قصة المسلسل،

وقولتله مش هعمل المسلسل اللي كنت عامله وهعمل المسلسل ده معاك.

تكريم نجوم وصناع مسلسل “جزيرة غمام” منهم الفنان محمود البزاوى

بينما قال محمود البزاوي خلال ندوة تكريمه والتى أقيمت في المركز الكاثوليكي للسينما

: عبد الرحيم كمال، عمل ملاحم في الدراما تحتمل المباشرة في الأسماء والرموز،

ولكن كان عندي تحفظ على شخصية خالدون.

تكريم نجوم وصناع مسلسل “جزيرة غمام” منهم الفنان سليمان عيد

وايضا قال سليمان عيد: كنت عايز اتحدى نفسي وكان لي تجربة مع أستاذ حسين المنباوي

في الفتوة سابقا، ولكن كنت عايز متبقاش كل أدواري كوميدي وكان نفسي أكسر الحاجز ده.

وأضاف: المفاجأة مكنتش فاضي ساعة ما كلموني على مسلسل جزيرة غمام إني أشارك فيه،

ولكن لما قرأت المشهد دخل ذهني، من أول قراءة حسيت إن كل جملة تحتها مليون خط،

وفرحت بالمشهد جدًا، عايز أمثل في اللي جاي بعيد عن الكوميدي، وبشكر حسين المنباوي على الفرصة دي.

تكريم نجوم وصناع مسلسل “جزيرة غمام” منهم المخرج حسين المنباوي

وايضا قال حسين المنباوي: عبد الرحيم كان كاتب المسلسل مش على هيئة سيناريو

ولكن على شكل رواية، ولما دخلت المشروع ده حسيته حكاية خاصة ومش دارج وحسيت إنه هيطلع منه شيء مختلف.

وتابع: كنت خايف من الشخصيات وكان عندي إحساس إنه هيبقى بعيد عن الناس ومتتقبلوش،

وده كان مخوفني لحد أول يوم عرض، ولكن اتخضيت من رد فعل الجمهور وإن الناس اتبسطت، كنت عارف إنه عمل مهم وحلو ولكن مكنتش متخيل الصدى ده كله.

وأضاف حسين المنباوي: مسلسل جزيرة غمام مختلف عن اللي قدمته في حياتي والناس كلها اللي مشاركة شاطرة أوي وحابين الشخصيات، وفي البداية مكنتش موافق على شخصية أحمد أمين وإنه طيب أوي، وأحمد أمين كان ترشيح عبد الرحيم وترشيح هائل.