تغطية وحوار وكتابة/ مي إسماعيل محمد

ضمن تغطية فاعاليات مهرجان”Egy Fashion” بموسمه الثالث كان لقاءنا مثمر بمجموعه من الاراء من خبيرة التجميل والاعلاميه نسرين محى الدين فهيا بنا لتعرفوا ثمار هذا اللقاء :

فى البداية اتقدم لك بالشكر لعمل هذا الحوار معي واريد ان تعرفينا بنفسك ؟

انا نسرين محي الدين خبيرة تجميل وعضو فى مجلس ادارة نقابة المهن التجميليه وعروض الازياء واعلاميه .

خبرينا امتى ابتديتي فى مجال التجميل وفى مجال الاعلام ؟

انا فى مجال التجميل بقالي 3 سنين ونص وفى مجال الاعلام من 3شهور قبل كده كان ليا لقاءات كتير فى قنوات تليفزيونيه وبعد كده اشتركت فى مسابقة واخدت لقب ملكة جمال الميديا وقتها ومن بعدها قررت اعمل برنامج خاص بيا وبالفعل عملت برنامج خاص بيا اسمه “حواء فى ميدان الجمال” وسجلت منه حلقات ونزلتلي اول حلقتين على السوشيال ميديا كمان عندي اكاديمي بقدم فيها كورسات للميكب وكورسات كل حاجه تخص المرأه .

حديثنا عن المشاكل ال بتواجهك فى مجال الميكب ؟

والله المشكله عندنا هنا ان عشان تشتغلي بخامات كويسه لازم تجيبي خامات من برا لان الخامات هنا اسعارها غاليه قوي وعشان تدخليها هنا عندنا مشكله فى موضوع الاستيراد فبشتغل عشان اطلع لوكات كويسه لازم اجيب خامات هاي ان وفيها خامات دراج ستور دي حاجه ال حاجه التانيه احنا عايزين زي الاكاديميات تعلم صح مش يخدوها انها مجرد ربح مادي فى اكاديميات كتير هنا بتدي كورسات للميكب وكورسات للفورم بس مابيطلعوش حد فاهم حاجه انا لما كانوا بيجولي ناس ياخدوا كورسات يقولولي احنا اخدنا كورسات قبل كده بس مافهمناش مابنعرفش نفهم فبدل هنمتهن مهنة ان احنا نعلم يبقى لازم نعلم صح عشان نطلع بلاش نطلع ناس مجرد ان احنا بنحشر فى عدد وفى الاخر هيبقى مافيش حصيله .

اشتركتي فى مهرجانات قبل كده ؟

لا انا مااشتركتش فى مهرجانات بس بيجيلي دعوات كتير من مهرجانات والحقيقه برضوا كان اتبعتلي طلب ان اكون عضو لجنة تحكيم فى احدى المهرجانات بس انا كان عندي تعقيب فموفقتش لسه بفكر فى الموضوع فبيجيلي دعاوات كتير لحضور المهرجانات زي مهرجان ايجي فاشون رئيس المهرجان دعاني وقالي انو حابب اني احضر وانو مهتم بحضوري فجيت اشوف الدنيا ماشيه ازاي .

فى ختام حوارنا هذا اتقدم لك بجزيل الشكر

لهذا الوقت واتهنئه على التكريم التي حصلتي عليه

والى اللقاء مع ضيف اخر من ضيوف مهرجان  “Egy Fashion” بموسمه الثالث

مع حبي وشكري الصحفية مي إسماعيل