“نشوى الحوفي ” الماتش لسه مانتهاش نظرة تحليلية مبدعة للممر

نظرة تحليلية رائعة لفيلم الممر من شخصية عاشقة لتراب بلدها  الكاتبة الصحفية “نشوى الحوفي “

صرحت “الحوفي عبر حسابها الشخصي على فيس بوك قائلة :

نور …الماتش لسه ما انتهاش

في فيلم الممر لازم تقف عند شخصية الظابط نور من أول مشهد في الفيلم…يخطف عينك وعقلك ومشاعرك …
فتعيش معاه لحظة غضب من تراجع تدريب قبل يونيو 67 …
وتلاقي نفسك بترد عليه بضحكة مره وهو بيقول الامريكان ما بيكذبوش ابداً بسخرية!
و يفط قلبك وانت شايفه بيحاول يحمي عساكره مع هجوم الطيران الاسرائيلي 5 يونيو 67
و تبكي عليه وهو راجع بحيرته وكسرته و صمته لبيته
وتبقى عايز تحميه وهو في مشهد السنترال من السنة الناس و نظراتهم وسخريتهم وتزعق فيهم معاه …..ايييييييييييييييه فيه ايه تليفونات و عيش وغلا اسعار وزهق ايه ؟؟؟؟
و لما يرجع لحاله ويسترد عافيته في مشهد جمعه هو وابنه وهو بيقول ….الماتش لسه ما انتهاش…..تبقى عايز تقول معاه في السينما:
الماتش لسه ما انتهاش
الماتش لسه ما انتهاش….
ولما يبدأ رحلة تنفيذ خطته و علاقته بعساكره وتدريبهم صح وهمومه كمواطن و مشاعره كظابط واصراره على تنفيذ المهمة و انسانيته وبساطته ….وتخطيطه و توزيعه الادوار …
واخيرا نظرة عينيه في اخر الفيلم بعد نجاح المهمة ….اللي بتأكد …
الماتش لسه ما انتهاش…عاش البطل فين ما كان …