“نشوى الحوفي” تروي موقف يدل على شهامة ووطنية شريف مدكور وتتمنى له السلامة

دعاء سنبل

ذكرت الكاتبة الصحفية وعاشقة تراب الوطن عن موقف يدل على شهامة ووطنية وجدعنة الإعلامي شريف مدكور حيث قالت :

انا وشريف مدكور …و ٢٦ يوليو ٢٠١٣
كنت قلقانة بعد صلاة الفجر يوم ٢٦ يوليو ٢٠١٣…النهاردة يوم التفويض للفريق السيسي وزير الدفاع…النهاردة يوم جمعه وصيام رمضان وانا عارفة المصريين مش بتوع خروج كتير…لكن النهاردة يوم تعبئة عامة صوتنا لازم يوصل للعالم اللي بره اللي بتهدد…ما نمتش وقعدت اكتب على الفيسبوك ليه لازم ننزل واوضح…وعلى الساعة ٦ لقيت شريف بيكتبلي انبوكس…اعرف شريف من ١٩٩٨…
صباح الخير يا نشوى…
صباح الخير يا شريف…ادعي الناس تنزل
حتنزل ان شاء الله…باقولك اكتبي ان اجراس الكنايس تضرب مع ادان المغرب….
الله يا شريف…فكرة تحفة تثبت كتلتنا…
انا قلت لك اتصرفي انت بقى
تسلم يا طيب يا جدع يا حفيد قائد الجيش المصري
وابدأ اكلم الناس اللي تقدر توصل الصوت وعلى الساعة ١١ الصبح يجيني الخبر وانشره على صفحتي…يا مصريين النهارده اجراس الكنايس حتضرب مع ادان المغرب …النهاردة حنسمع العالم صوت مصري واحد…
ايام حلوة…وفكرة شريف مدكور اللي اعرفه من ٢١ سنة…طيب شهم مصري جدع…بيقول عليا اخته الكبيرة وانا اضحك…ما يقابلنيش غير لما يرحب…ويطمن ويسمي على سيرة ولادي…
شريف الف سلامة يا طيب يعافيك ربي من كل الم.