نصائح وروتين للشعر الهايش
نصائح وروتين للشعر الهايش
بقلم دكتورة … هنا أبوستيت
خبيرة التجميل واخصائية التغذية العلاجي
الشعر الهايش من اكتر المشاكل اللى بتضايق بنات وستات كتير ….. وبيكون ليه تأثير سلبي كمان على الشكل العام…. وعلى الثقة بالنفس…..
وعشان كده هقولكم على شوية نصايح خلى بالكم منا جدا
1- اوعى تغسلى شعرك بماء ساخن
كثرة غسيل الشعر بماء الساخن وخصوصا بإستخدام درجات حرارة عاليه بيعتبر عامل اساسي من عوامل نزع الرطوبه من خصلات الشعر وبيتسبب فى جفافها ويخلي الشعرايه هايشه….
2-العادات الخاطئة في تجفيف الشعر
يعنى بلاش بعد ماتغسلى شعرك تحطة الفوطه عليه وتفضلى تنفضل فيه وتعصورى فيه ده بيرهق الشعرايه وبيكسر جزيئات غلاف الشعر…..
طبطبي على شعرك بس ومن تحت لفوق مش العكس
3 – عادات تصفيف الشعر الخاطئة……
اوعى تسرحى شعرك وتشديه وهو مبلول بيكون ضعيف جدا وبيوقع بطوله معاكى
بلاش تنشفيه بسشوار على درجه حراره عاليه
سيبيه ينشف براحته
4- الترطيب الجيد …..
اهم خطوة لشعرك هى دى الترطيب ثم الترطيب
شعرك جعاان ترطيب
ناس كتيره بتكسل تعمل خطوة الحمام الكريم
مع انها هى دى اهم خطوة
اهم من الشامبو واهم من السيروم بعد الشاور
الحمام الكريم اللى بنطبطب بيه على الشعرايه……. بعد مافقدت زيوتها واحنا بنغسلها بالشامبو
ولازم تعيد نفسها تانى….
وان شاء الله هنزلكم بوست عن حمام الكريم وازاى نعمله كاحمام كريم مغذى او حمام كريم مرطب فقط
5- الزيت على الشعر …….
دائما وابدا بحكى واوصف فى جمال الزيوت الشعر بس لما نستخدمه صح…..
اوعى ياست البنات تحطى الزيت على شعرك اكتر من ساعتين…..
وياسلام بقي لو هنعمل كا حمام زيت تحت الكاب الحراري او ادفيه قبل مااحطه على شعري _مفيش احلى من كده) واغسلى شعرك بعديه بشامبو مرطب وياريت يكون من الشامبوهات اللى بنحطها بعد البروتين او بعد الترميم عشان نطبطب علي الشعر بعد الخناقه اللى شافها من الزيت
6- الفيتامينات….
ليه بنطنبش حتة فيتامينات الشعر وبنشوفها حاجة مش مهمه……. مع انها اهم حاجة
هو احنا عايزين الشعرايه جميلة وقويه ازاى ؟
هو احنا بناكل كويس اصلا؟
بنهتم بالاكل الصحى؟
الاجابه لا
يبقي خلاص خدى فيتامينات لشعرك يكون فيها حديد وزنك وبيوتين وب 12
وبردة هااعملكم بوست عن اهم فيتامينات الشعر
6-حمايه الشعر….
اتعودى تحمى شعرك بسيروم
ده اللى هايحفظلك على روابط الشعر ويخليها متغلفه ومتتقطعش ومتتكسرش
