نصيحه لبنتي تقدمها استايلست داليا حسام

مبادره #نصيحه_لبنتي
مبادرتي لكل البنات لتعريفه بمعلومات كتير عن لبسهم وكل حاجه تخصهم .لاني شايفه كل البنات زي بنتي
همسه لكل بنوته داخله على الجامعه استنى قبل ما تنزلى تشترى هدوم للجامعه افتحى دولابك هتلاقى فيه حاجات كتير اوى مبتستخدميهاش اذا ركزتى هتلاقى ان فى بلوزه محتاجه سكارف جديد الوانه حلوه تغير منظرها هتلاقى شيميز محتاج اندر شيرت 👕علشان يتلبس هتلاقى بنطلون محتاج بلوزه بلون معين هتلاقى فستان محتاج كاردجن المهم انك ساعتها هتنزلى تجيبى اللى يكمل ده مع كام طقم جداد ساعتها هتلاقى نفسك كونتى اطقم كتير مكنتيش واخده بالك منها بس ركزى ان يكون عندك اساسيات :
كوتشى ابيض لانه بيليق على كل اللبس
بنطلون جينز ده اساسى لكل بنت
بلوزه بيضاء اساسى فى دولابك علشان اذا احتاجتى يوم تلبسى سيمى فورمل مع بليزر ازرق او اسود وده هتلبسيه على الجينز
حولى تخلى حجم شنط الجامعه كبيره شويه علشان بتكون عمليه بتقدرى تحطى فيها حاجاتك

البنات اللى جسمهم مليان ياريت نبعد عن المشجرات لان المشجر بيظهر امتلاء الجسم
المقلم بيبقى لطيف وبيرفع دايما خلى تحت بلوزاتك اندر شيرت بيبقى عملى فى حركتك هتبقى متطمنه ان فى حاجه تحت البلوزه او الشميز
بلاش الفساتين مش عمليه للجامعه بس اذا حبيتى اختارى الفستان المناسب بلاش شيفون او حرير خليه جينز او اى حاجه على ااقطان بيبان عملى اكتر
اذا بتحبى الجوب بلاش الضيقه اوى علشان تعرفى تتحركى متبقيش مخنوقه فى حركتك
اختارى الالوان اللى تناسب سنك وجسمك ولون بشرتك
بمعنى اذا لونك فاتح بلاش الوان تخليكى بهته زى الاصفر الفاتح واللبنى والاوف وايت متلبيسهمش ساده دخلى فيهم الوان علشان بيخلو الوش باهت اذا لوحدهم
واذا كان لونك قمحى واغمق ابعدى عن الالوان اللى تغمقك زى الموف والكحلى الغامق والزيتى
كل ما تكونى بسيطه بتكونى اشيك وبتكونى مريحه للعين اكتر