نظفي بيتك مع تكات شروق

٢👋حولي توفري بخاختين كده حتا لو هتشتريهم انا جيبا الواحده ب ٥ج حلوه روحي لبتاع المنظف هاتي ب ٥ج ريحه معطر للشقه خوخ ورد… اي نوع تحبيه وحطي المعطر وكملي نص الازازه ميه ورقي غرفه غرفه ورشي المعطر واقفلي الباب ورشي جوه الدولاب واقفليه هتلاقي ديما ريحه شقتك جميله ومتظتيش مش فرح ام عبده هو رشي كل كام ساعه رشتين بس هي الريحه هتفضل ب اذن الله موجوده بس انتي عشان قعده ع طول في الشقه مش هتحسي الي هيحس ب الريحه الجميله الي جي من الشارع 👏😍

٣👋البخاخه التانيه هنجيب ازازه ديتول مركز ب٩ج الازازه وهنجيب البخاخه خلي بالك الازازه الصغيره الي انتي مصتصغراها دي هنملي بيها البخاخه٤مرات يعني ربع الازازه والباقي ميه ولما تخلص هاكذا دي هتكفي شهر وكل اسبوع نعمل ازازه منها دي تحففففففففه والله وفعلا بتقتل الجراثيم دي بقا هتبقا ف التوالت كل يوم كده ع السريع نرش ع التوالت ونمسح الارض رشه وحده بس ده مركزززز وجميل وريحته تحفه ومش هتلاقي ريحه ابدا
وحشه طلعه من التوالت جربي وادعيلي

٤👋 المطبخخخ لازم تغسلي المواعين يوميا عشان الشتا بتاع الاكل غير الصيف خالص ولا جبنه واناناس ولا عنب ولا كل الخفيف ده الطبيخ بيدفي لو معملتيش حجتك اول ب اول هتعمليهم بكره اتنين وشنطه الباسكت اوعي ترمي اي بواقي اكل وخلاص حطيه في شنطه صغيره بعد كده ف شنطه الباسكت وحاااات امك نسيت ليا عندك طلب في علبه بخور ب٥ج فيها عشر بخورتات ممكن تجبيها وكل يوم بعد ما تخلصي مطبخك تولعي عود ع السريع كده اصلي الهاموش والدبان والناموس بيكرهوو ريحه الدخان اوي ونسيت اقولك انتي لو هتحسبي الي طلبتو منك هيعمل بتاع ٢٠او٢٥ج في الشهر كلو يعني مش جايب جنيه في اليوم

عرفتي الناس الي ع طول بتدخلي شقتهم بتلاقي ريحتها ع طول حلوه عشان بتعمل اللي بتقولك عليه ده كلهاااا حاجات بسيطه والله جربي مش هتندمي

٥ متنسيش ديما نفضي الشابيك كده ع الماشي وحطي قماشه تحت الشباك اي شباك ينفع ماعادا للاسف الالمونتال وافرشي حفظه او ملايه قديمه ع السجاد عشان تفضل نضيفه طول الشتا هو انتي قدره بقااا تغسليهم ف الصيف لما هتغسليهم ف الشتا خليني ساكته بقااا

والغسيل حولي تلميه يوم بيوم لو مش هيطبق ف وقتها عشان العفار والتراب داخل شروق فريد