نورا عبد الرحمن في تصريحها لأسرار المشاهير “صلة رحم” نقلة كبيرة لي .

---

ملامح مصريه هادئة.. موهبة جديدة متألقة..من اول مشهد لها تجد أنك أمام ممثلة مبدعة عملت بالتمثيل منذ نعومة أظافرها.

 هي  المتألقة ” نورا عبد الرحمن” .

 

بقلم / نهي شكري 

• ممكن تكلمني عن  بدايتك الفنيه ؟

انا بدايتي كانت بدور في مسلسل هجمة مرتدة وقمت فيها بدور شخصيه ساره بنت الفنان هشام سليم مع المخرج استاذ احمد علاء.

• ماذا عن دور نورا في صلة رحم ؟

دور نورا انا حبيته وأول ما قرأته كنت سعيدة اني اقوم به ،وعندي شغف كبير ان اقدمه بشكل بسيط يوصل للناس، و كنت منتظرة جدا ينزل ،واكتر حاجه كنت قلقانه منها هي ردود أفعال الناس عليه و هيوصل ليهم ازاي .

بس الحمدلله ردود الأفعال فرحتني جدا و شجعتني اني اكمل .

• هل وجدتي سهولة في العمل مع المخرج خالد نادي .. وهل قام بتشجيعك وما مدى استفادتك  من توجيهاته ؟

 

بكل صراحه  

الشغل معه ممتع و مشجع جدا 

طاقته حلوه جدا في اللوكيشن بيتعامل مع الكل باهتمام و بيفرح جدا بالمشاهد لما تتعمل صح.

وفي كل مشهد اعمله بحاول اعمله صح  اوي عشان رد فعله و تشجيعه .

متاكده ان ده راي اي حد فيه .بيسمع اي سؤال بتركيز و يجاوب عليه .

بينصح بطريقه محترمه جدا لاي حد كان حابب افادتنا و اهتمامه بالعمل و تركيزه، كان سبب لنا أننا حرصين  علي تعبه و مركزيين و بنسمعه بتمعن . 

من احسن التجارب اللي ممكن اعيشها اني كنت جزء من المسلسل ده.

• ماذا عن التعامل مع الفنان إياد نصار و مدي الافادة من التمثيل أمامه وماذا استفدتي منه ؟ 

استاذ اياد نصار فنان محترم جدا و مهني جدا جدا بيحب شغله و مركز فيه كان مهتم بكل الادوار حتي لو مش الادوار اللي قدامه في المشهد .

مش بيتاخر باي نصيحه في صالح العمل او الممثل 

شخص لطيف جدا و فعلا اكتر حاجه اوصفه بيها انه بيدي شغله كل طاقته و تركيزه و بيخاف عليه جدا.

• شخصية تتمنى أن تقومي بيها .. وماذا عن أدوارك المستقبلية ؟

احب جدا الفتره القادمه اقدم شخصيه تكون بعيده عني تماما، و جديده عن شخصية نورا حابه اكيد اقدم حاجه مختلفه 

و إن شاء الله قريبا سأقوم بالاعلان عن دور جديد في مسلسل بعد رمضان

• فنان وفنانة تفضلي العمل معاهم ..والمخرج الذي تفضلي العمل معه ؟

الفنان اللي بتمني اشتغل معاه

الفنان ماجد الكيدواني ، احمد عز و كريم عبدالعزيز 

و الفنانه  يسرا ، هند صبري و مني زكي

المخرج اللي نفسي اشتغل معه أ. كاملة أبو زكري  و ا.مروان حامد.

أقرأ أيضا

حصري لاسرار المشاهير الفنان ناصر شاهين يتحدث عن احدث اعماله.