هعيش على قد ما اعيش للشاعر محمد زيدان
هعيش على قد ما اعيش
هعيش على قد ماعيش عمرى ما هلقى حد ف طيبتك
والكون كله دا ما يكفيش لو ف شكل هديه اتقدملك
دنا لو بايديا وبامكانى اخد من عمرى هاخد واضيفلك
دانا كل مابنجح ويعلى مكانى دا بسر دعاكى والفضل بيرجعلك
***********************
اتحملتى كتير تمرد طفولتى وطيشى ف عز المراهقه
وف مرحله الصبا معايا تعبتى وعمرك ما اشتكيتى للحظه
كنت بحظى بكل اهتمام من وانا لسه مجرد نطفه
ورعايتك ليه على مدار اعوام ومن ااقل حاجه عليه خايفه
وحاجات كتير يطول شرحها مهما حاولت يامى اردها
استحاله هعرف اوفيلك حقك
**********************
هعيش على قد ما اعيش عمرى ما هلقى حد ف طيبتك
هعيش على قد مااعيش وطول مانا عايش هفضل سندك
دنا لو بايديا وبامكانى اجيب الدنيا بكل ما فيها لحد عندك
وبرضوا قليل دا انتى عشانى ادتينى اغلى واجمل سنين عمرك
*************************
دانا بدعاكى بمشى ف طريقى وبواجهه زمنى وانا مطمن وكلى ثقه عمياء
ان رب العزه هيبقى ساندى وموفقنى فى مسار حياتى ما الالف للياء
وزى ما رب السما امرنى وعدنى وف قرانه فى ميت اثبات
ان رضاكى هو الوحيد اللى هينفعنى يوم ما اخطى على الصراط
امنيه وحيده اللى انا برجوها وف كل صلاه بفضل ادعيها
ان ربنا يزيد ويزيدللى فى عمرك
****************************
شعر : محمد زيدان
