همبورجر بيتي مقدمه من نجلاء المهدي

كتبت سمسمه سعد
احلى وانظف من اللي في المحلات
مدة التحضير :30 دقيقة
المكونات
نصف كيلو لحم مفروم
ربع كيلو فول صويا
ملح
فلفل أسود
بهارات همبورجر من عند العطار
ملعقة كبيرة كاتشاب
ملعقة كبيرة مستردة
بصل بودرة
ثوم بودرة
ولو مش متاح البودرة
ضع بصل عادي وثوم مفروم
وواحد فلفل أخضر حار أو عادي حسب الرغبة
الطريقة
ينقع فول الصويا في كوب كبير ماء سخن ويوضع الفول في شاش وتنقعيه حوالي نصف ساعة وبعدين تعصرية كويس جدا من الماء ويوضع على اللحم المفروم وعليه كل الخليط السابق
وعلى الكبة ونفرمه كويس لغاية ما ينعم وبعدين تشكيله
أنا صورت الخطوات لو مش عندك مكبس البورجر اعملي بنفس طريقتي وبيطلع مظبوط
وترصيه في طبق فيبر وتحطي بين كل واحدة وواحدة كيس بلاستيك مقطع مربعات على حجم البورجر
ودخليه الثلاجة لغاية ما يجمد خالص وطلعيه حمرية أما في زبدة أو زيت وقدمية لاولادك احلى ساندويتشات
دي طريقة معتمدة عندي بعملها على طول ومش بشتريه من المحلات نهائى
يارب يعجبكم
فوائد فول الصويا
القيم الغذائيه فى فول الصويا

1.يحتوى فول الصويا على كميه كبيره من الفيتامينات والمركبات العضوية

2. كمية كبيرة من الألياف الغذائية و البروتين.

3. فيتامين K والريبوفلافين وحامض الفوليك، وفيتامين B6، والثيامين وفيتامين C.

4.ويحتوى ايضا على كميات كبيرة من الحديد والمنجنيز والفوسفور والنحاس والبوتاسيوم والمغنيسيوم والزنك والسيلينيوم، والكالسيوم .

5.مصدر جيد للمركبات العضوية والمواد المضادة للاكسدة،
يساعد في عملية التمثيل الغذائي
يساعد على زيادة الانسولين في الجسم
يحسن من وظيفة الجهاز الهضمي
مفيد جدا جدا للنباتيين
رئيس قسم المطبخ أ / جيهان جعفر