هناك ولا هنا …. بقلم / شريف القناوى
هناك ولا هنا
شريف القناوى
هناك ولا هنا
مفيش فرق عندنا
كلام مالوش معنى
بكره زى امبارح
والنهاردة تايه مننا
تعالوا نتكلم فى اللى يهمنا
شوفت اخ يقتل اخوه
صعبت علينا نفسنا
على فين رايحه بهمنا
تاهت فى زحمتك لمتنا
الكل ماسك سكين يضمنا
وفى الضهر تسكن قسوته
طيب نقول من تانى
شوفت طريق بالخوف مزروعه
الكل واقف مستنى يعبره
خيال وساكن فى الضلمه
ومحدش فكر ينوره
او حتى فى يوم يسلكه
طيب اسمع منى وبلاش تريقه
القسوة بين البشر طالت السماء
الضحكة بقى ليها سبب
تدور عليه وتدفع التمن
والدمعه سهله ولو فرح
استنى لسه النهاية
كلام كتير ودى البداية
المزيد من المشاركات
اتغيرت القلوب فى الحكاية
نبيع ولا نشترى
الكل خسران للنهاية
بصيت فى وشوش البشر
ده بيدارى دموعه
ابنه كبره علشان يدوسه
وسرق احلامه وفلوسه
وانت يا ست
ضاع منك ايه فى الزحام
ابنك ولا بنتك
ما هو انخرس اللسان
لا انت غيرهم
لابس ومتشيك وعليك القيمة
ومن جوه فاضى
والايد مش نضيفه
وانت يا عم
اللى شعرك شاب من الهم
خايف ترجع للبيت
الكل مستنى تعود
والطلبات تبتدى ترد بالوعود
وانت يا بنى انت هو
كلامكم مش مفهوم ليا
اتغيرتوا زى الطعمية
وشوش كتيرة وكلها حيرة
بتدارى دمعه
جوه القلب مرسومه
