هيدي كرم تنفجر غضبا: كفاية إرهاب على السوشيال ميديا

هيدي كرم تنفجر غضبا: كفاية إرهاب على السوشيال ميديا

تقرير_أمجد زاهر 

 

نشرت الفنانة هيدي كرم فيديو على حسابها في إنستجرام، توجهت فيه برسالة قوية إلى المنتقدين الذين يسبون ويهزئون من الفنانين والمشاهير على مواقع التواصل الاجتماعي.

وأكدت أن الفنانين يعانون من ضغوطات ومشاكل كثيرة، ولا يستحقون هذه المعاملة السيئة.

 

وقالت هيدي كرم: “إحنا كمشاهير اتهرينا والله، بتكلم بصراحة بالنيابة عن مشاهير وخاصة ستات زي، اتهرينا من الشتيمة والتهزيق وقلة القيمة والإرهاب على السوشيال ميديا وإنكم بتحسسونا إننا منسواش.. واتهرينا من إننا نتشتم ونتهان ونتهزق بجد والله حقيقي ده كتير، هو مفيش من الأحمر ده مفيش شوية دم وإحساس….”

 

 تحدي للمنتقدين

 

وأضافت هيدي كرم: “اللي بيشتمونا على السوشيال ميديا وإحنا طالعين وإحنا نازلين وإحنا بنحاول نعمل محتوى لذيذ وفيديوهات لذيذة وإحنا بنحاول نعمل طاقة إيجابية لإني بذاكر السوشيال ميديا علشان أشوف إيه اللي نافع لقيت مفيش حاجة نافعة لابسين ومتهزقين ووحشين ومشتومين.

صدقوني الناس اللي بتشتمنا لو شتمناهم نفس الشتيمة هينتحروا تاني يوم، إحنا عندنا جهاز عصبى قوى ومستحلمین ولكن صدقونی لو اللی بيشتموا اتشتموا نفس الشتایم واتهانوا نفس الإهانة والله العظیم هتقطعوا شرایینکم من حجم الاضطهاد والإهانة والمهانة

ولكن إحنا مش هنعمل كده لإننا محترمین ومؤدبین وحساسین وبنقدر مشاعر الآخرین اللی هی مش عندکم خالص..”

 

 نداء للرحمة

 

وواصلت هيدي كرم حديثها قائلة: “كده كتير شوفوا لكم لعبة تانية لإن كرامتنا مش لعبة في إيدكم وبالراحة علينا كل واحد عنده مشاكل ومآسي وناس فقدها وأزمات في شغله وأزمات عائلية واجتماعية وعاطفية وصحية وأرجو ورجاء محبة تخفوا على بعض شوية مفيش بيننا وبينكم طار ونجحنا مش معناه فشلكم وممكن كل الناس تنجح، وأرجوكم بالراحة على أخواتكم الفنانين المبعدين الطيبين الحلوين اللي بيعملوا لكم حاجات حلوة.”

وختمت هيدي كرم رسالتها بالقول: “أرجوكم احترامًا لأخواتكم الفنانين، خففوا من الإساءة والإهانة، وزودوا من التقدير والثناء، فالفنانين يسعدونكم بأعمالهم، فسعدوهم بآرائكم.”