وائل عبدالعزيز يطالب الجمهور بالدعاء لشقيقة

كتب: انجي عبدالسلام

كشف الفنان “وائل عبدالعزيز” شقيق الفنانة “ياسمين عبدالعزيز” عن آخر التطورات الصحية عقب إجرائها عملية جراحية شديدة الخطورة، مشيرًا إلى أن حالتها الصحية مازالت غير مستقرة حتى الآن.

وصرح على موقع التواصل الاجتماعي “فيسبوك”: “أرجو من السادة الصحفيين احترام واستيعاب قلقنا وعدم نشر أي تصريحات أو صور مش على لسانا، ولما نطمن وتستقر الحالة هنطمن الناس عليها، وكل ما نطلبه الآن الدعاء في الأيام المفترجه دي”.

وكان الفنان “أحمد العوضي” أعلن من خلال “فيسبوك” خضوع زوجته الفنانة “ياسمين عبدالعزيز” لعملية جراحية وتواجدها بغرفة العمليات و كتب : “الرجاء الدعاء بظهر الغيب لزوجتي وحبيبتي ياسمين، هي في العمليات ومحتاجة دعواتكم، اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفها وعافها».

ونشر ايضًا بوست على صفحته بموقع التواصل الاجتماعي “فيس بوك” معرب خلاله عن حبه لزوجته وخوفه عليها قائلًا: “ممكن ببان قدامكم دايماً قوي لكن الحقيقة أنا دلوقتي أضعف إنسان على وجه الأرض عشان أنا روحي مش معايا”.

ووجه رسالة “لياسمين” : “أنا ضعيف جداً من غيرك انتِ لازم تبقي كويسة ولازم تقومي بالسلامة أنا لأول مرة أكتب من غير ما أكون مفكر أنا بكتب إيه، بس انتِ هتقومي إن شاء الله بإذن الله عشان أنتي وعداني وعد وهتنفذيه”.

وأستكمل رسالته قائلًا: “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا بحبك ألف مرة، وأنا دلوقتي مش قوي زي ما أنتي بتشوفيني، أنا دلوقتي ضعيف جدًا، لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك”.

واختتمها بإعلانه مرضها وقال “ادعولها تقوم بالسلامة زي ما أنتوا دايما بتدعولها بالنجاح والتوفيق، هي دلوقتي محتاجة دعواتكم”.