والد ياسمين صبري يرد على تصريحاتها الأخيرة ويفجر مفاجأة

والد ياسمين صبري يرد على تصريحاتها الأخيرة ويفجر مفاجأة

كتبت : هادية رمضان 

صرح والد الفنانة ياسمين صبري بأنها قامت بطعنه من خلفه عندما تحدثت خلال لقائها بأنه لم يكن لم تنشأ علاقة بينهما من الأساس وقال :”بعد ماسمعت اكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟

اصدقاءنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها”.

وأضاف أنها تكذب لتبرر موقفها فقط وأنه ما يثبت عدم صحة كلامها هو أنه كان حزين من أجل أخيها وأن أخته لم تشاركه الفرحة :”الكدب ده بيبرر بالنسبة لها سبب عدم حضورها فرح اخوها ولو اب اهتم بفرح ابنه وزعلان ان اخواته ماجوش مش حيهتم ببنته؟انا عملت لها حياة كريمة راقية ومحترمة وماكنتش فاكر ان الرد حيكون كده والسر اللي الناس ما تعرفوش انها اتطلقت من الراجل المحترم الدكتور ده بسبب امها لانه حكالي وقالي امها خربت بيتنا”.

وصرح بأنها لم تأخذ برأيه ولم تشاركه خبر زواجها الحالي من رجل الأعمال الشهير أحمد أبو هشيمه ولذالك لا يعتبر هذا الزواج وقال :”واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده.

وحسبي الله ونعم الوكيل.”