وجباتك الصحية أسلوب حياة بـقـلـم ديانا حسن
وجباتك الصحية أسلوب حياة
ديانا حسن (شيف وخبيرة تغذية صحية )
أبدأ منين؟ ده اكتر سؤال بتسأله والاجابه ببساطه
أنوي نية صادقة اني هتخلى عن (مسببات الضرر والمرض)(السكر، القمح المعدل، الزيوت النباتية والمهدرجة)، وهبدله ببدائل مفيدة.. قدر المستطاع
أصدق فكرة ان التخلي ممكن من غير بدايل بدل العيش هاكل بالمعلقة وهشبع لأن العيش هو سبب دايرة الجوع وعدم هضم البروتين والدهون وبالتالي بجوع ومعاه هتعود ع الخضروات.. الخضار مش بس سلطة خيار وطماطم في خيرات (خس، كابوتشا، كرنب احمر وأبيض، ورقيات
السكر
بدايله 
التمر، دبس التمر،
عسل النحل الطبيعي،
سكر ستيفيا الطبيعي
القمح
بدايله الشوفان ودقيق الشوفان
دقيق الذرة الغير معدل وراثيا
دقيق جوز الهند
دقيق السمسم
دقيق السوداني
كل أنواع المكسرات والبذور
قشور السيليوم، بذور الشيا،
بذور الكتان ،الكينوا، جنين القمح
بقوليات بتدخل ف وصفات الحمص، الترمس، الفاصوليا الحمرا، العدس
الحنطة السوداء، الدخن، الشعير والقمح الغير معدل وراثيا
الزيوت (خليط، ذرة، عباد، سمن مهدرج
بدايل الذبدة والسمن البلدي
زيت الزيتون
زيت جوز الهند
زيت بذور الكتان
الدهون الحيواني
زيت السمسم،
الملح المكرر
بديله الملح البحري الطبيعي الغير مكرر
الملح الصخري الطبيعي
ملح الهيمالايا الصخري
الخطوات؟
١) إحلال وتبديل في البداية لو بستعمل سكر كتير اقلله لحد ماوصل معلقة وبعدين هقطعه، يومين صداع ودوخة وبعدين مش هقدر احطه على لساني تاني.
٢) قرار مش هجيب سكر ف البيت من الشهر الجاي ولا دقيق ، ولا زيوت غير طبيعية، هشوف إيه اللي مناسبني من البدايل واوفره ٣) همنع الخروجات والزيارات الكتير ف أول فترة عشان ماانتكسش( أو اكون واخد بديلي ف جيبي)
٤) أحاول التعليقات المثبطة زي ما كلنا بناكل وعايشين، أو وشك اصفر وممقوت.. ماتأثرش عليا كلم نفسك.. أنا في جهاد إستعن بالله
٥) علبة كبيرة ف التلاجه مغسول فيها الخضروات اللي قولناها فوق، تطلع مع كل وجبة
٦) التمر ميتقطعش من البيت عشان لم أحن لسكريات ولسه معملتش بسكوت او كيك صحي.. أضعف وانهار
٧) الرز البسمتي والابيض والكينوا بدل العيش والمكرونة في الغدا مقدرش اعيش من غير مكرونة.. هاتها مره ف الاسبوع نوع بالشوفان،
٨) خلي مرات العك والخروج عن المسموح في العزومات والمكرونة بشاميل والرقاق هيكون دوقان كل فترة وصدقني لم تكون اتعودت.. مش هيهزك مش قوي.
٩) ماتحتفظيش بوصفات كتير ع الموبايل هاتتشتتي ومش هتعمليها شوفي عندك إيه متوفر من الخامات اعملي سيرش واعملي الوصفة ف وقتها (مع الوقت هتلاقي قنوات معينة حبيتي طريقتها وهتبحثي فيها على طول ).
