وحشتيني.. بقلم/ غادة زهران.

نفسى في يوم اقوم من النوم على كلمه وحشتيني
نفسي احس بطعم الفقد وانا نايمة
واقوم وأجري واشوف اللى وحشوني
لمجرد اني غمضت عنهم عيوني
نفسي اكون ست الحسن مش ست الحزن
نفسي اسمع وحشتينى مش عشان
عوزين مني حاجة وكلمة بلقم اتقالت
وانا الدار اللى لاماهم وكل ما املك ليهم
وحشتينى
نفسى اسمعها بلهفه، بحب
مش من بعيد غايب ليه يا دنيا انا قليلة الحبايب
انا عاوزة بس كلمة وحشتيني اسمعها
ولو من غير صوت من عيون حباني وحباهم
ولما بغيب بوحشهم وبلهفه يقولو لي
وحشتيني