ورق عنب وأرز معمر وملوخيةوبوفتيك لحمه مقدم من الشيف مها ابراهيم
اولا ورق العنب
نسلق ورق العنب نعمل الخلطه بصله مبشوره عليها الخضره وعليها طماطم مبشوره وقرن فلفل حامي والرز المغسول وملح وفلفل وكزبره ناشفه وشويه زيت حلوين ومعلقتين صلصة ونقلب كويس انا بعمله ني في ني
نحشي ونسويه علي النار نضع شوربه مغليه اول ما يغلي نوطي خالص لحين السوي
الأرز المعمر
نغسل الرز ونضعه في برام وعليه لبن مغلي مع ملح وفلفل وشويه زيت ومعلقتين قشطة ويدخل الفرن ساعه وصحه وهنا
طريقه عمل الملوخيه
حله علي النار شويه زيت ومعلقه ذبده نشوح فص ثوم وشويه كزبره ثم نضع الملوخيه والشوربة ونظبط الملح تغلي غلوه نطفي
طاصه علي النار زيت وذبده نشوح الثوم والكزبره الناشفه اول ما تحمر نطش الملوخيه والف هنا
طريقع عمل البوفتيك
نتبله بماء بصل وملح وفلفل قبلها بساعتين
ثم نضع في الدقيق ثم البيض مضروب مع شويه لبن وملح وفلفل ثم البقسماط ونضغط كويس نشيله في الفريزر نصف ساعه ثم نقليه وصحه وهنا
التحضير ساعه ونصف
الطهي ساعه
