( وصف جمالك )
( وصف جمالك )
بقلم / جمال القاضي
——————-
أوصف فيك أثنين ،
وصف جمالك ،
ووصف لحبك ،
شوفتك بدر منور ،
بوجه جميل
زي ملامح طفل برئ ،
لحظة بتفرح فيها ،
لما أقرب منك ،
فيها أشوفك تضحك ،
وغيرها بتغضب لما ،
أغيب ، أو أبعد عنك ،
داير ثاير هايج ،
تقلب كل ملامح وجهك ،
تشبه موجة لبحر
لما بتضرب صخره ،
وتجرف رمله ،وتاخدها
معاها هناك لبعيد ،
والوصف التاني ،
روحت وصفته في حبك ،
صوتك لما بيهمس ،
زي طيور بتغرد ،
زي الناي والعود لما ،
بعزف لحن جميل ،
ولما تنادي عليا بحبك ،
تلقى القلب بينبض ،
ويدق كمان يدق يدق ،
دقة تهز جوارحي ،
ودقة بفرح منها لأن ،
بصوتها العالي بتخليني ،
زي فراشه وفراده جناحه ،
راحت تحضن نسمة ،
والدقة التالته بكتب منها ،
سطور وقصيده في حبك ،
أقرب منك تلقى ،
رعشة بأيدي ،
حتى أيديك بخاف ألمسها ،
رغم القلب ، ورغم مافيه
من شوق ، ولهيب ،
أحس معاهم بحاجه غريبه ،
معرفش أوصفها أو إيه بتكون ،
يمكن نظرة شوق أو
يمكن لهفه لحضن طويل ،
أنسى معاه كل الدنيا ،
وأنسى عيون الناس ،
لما تشوفنا لأني بحبك ،
أكمل وصفي بوصف أخير،
عن وصف جمالك ،
ومعاه باقي معانى الحب ،
أوصف فيه أفكارك ،
وأوصف فيه عقلك ،
لما بيسرح في جمال الكون ،
وأنت لوحدك شوفتك كون ،
عيونك ليل ، ودموعك بحر ،
وقلبك زي سفينه بتبحر ،
وعقلك واحة أسرح فيها ،
أسرق منها كل كلامي ،
ولما أروح لعيونك وأنظر فيها ،
ولما أشاهد ورود بخدوك ،
أمسك قلمي بايدي ومعايا ،
كتاب أفتح أول صفحه ،
وأكتب فيها بأول سطر ،
عنوان لو تقراه كأنك ،
تقرأ قصيدة ،
وتحته أكمل باقي كلامي ،
عن معنى الحب ،
أشرح فيه معانيه ،
منه حبك أنت ومش بس كلام ،
حبك هو مشاعر ،
هو الحس وهو لهفه وشوق،
لما بغيب تسأل عني ،
ولما تغيب أسال عنك ،
كأني حاجه غاليه علي ،
وضاعت مني ، وغابت عني ،
قلبك قصر وقلبي،
لما يسكن قلبك ،
يحس معاه بأمان ،
حتى رموشك كأنها جند
وحارس بينها الصورة ،
الي عيونك إحتفظت بيها ،
لما كنت معاك بأخر مرة ،
أقولك : قرب مني وميل
ناحية قلبي ، تنسى همومك ،
وتلقى دموعك نازله ،
بس دموع كانت بطعم الفرحه،
أنت حبي ، وأقولك
أول كلمة عاشق قلبك،
وآخر كلمة أقولها بحبك ،
أيوه بحبك أنت .
